Shtojca 1 - UNDP Kosovo

Vizioni, misioni dhe qëllimi
Strategjia e merr parasysh vizionin dhe misionin potencial të asaj që duhet të kontribuojë turizmi ashtu
siç është artikuluar nga vetë qytetarët e Dragashit në punëtorinë e mbajtur në shtator të vitit 2011 për
hartimin e vizionit.
Version i konsoliduar i vizionit:
Dragashi i prezanton dhe i ruan traditat. Porta jugore e parkut nacional të maleve të Sharrit me
biodiversitet, infrastrukturë bashkëkohore, me shkallë të duhur të zhvillimit ekonomik, me burime të
pashfrytëzuara ekologjike dhe me prodhime të cilësisë së lartë natyrale është vendi ku secili dëshiron
të vijë dhe të pushojë në natyrën e bukur dhe të pastër. Trashëgimia e pasur kulturore dhe popullata e
gatshme që t’i mirëpret mysafirët me dashamirësi dhe me ushqim të shtëpisë i tërheqë si vizitorët
vendorë ashtu edhe ata ndërkombëtar.
Andaj, vizioni dhe misioni specifik i turizmit bazohet në vizionin e qytetarit dhe janë si vijon:
Vizioni
Turizmi është shtylla kryesore e ekonomisë së Dragashit dhe do të kontribuojë në përmirësimin afatgjatë
të zhvillimit ekonomik dhe shoqëror.
Misioni
Dragashi do të zhvillojë një ekonomi të qëndrueshme turistike përmes partneritetit të sektorit publik, të
sektorit privat dhe të shoqërisë civile në mbrojtjen e mjedisit, do t’i zgjerojë mundësitë e punësimit dhe
të ndërmarrësisë, të përfitimeve shoqërore, të profitit industrial dhe të të ardhurave komunale.
Qëllimi
Deri në vitin 2020, sektori i turizmit dhe i mikpritjes duhet të përfaqësoj 10-15% të ekonomisë së
Dragashit. (Këtu do të përfshihet si bazë niveli aktual i ekonomisë dhe kontributet që jep ky sektor)
Përfitimet e sektorit të turizmit
Sipas Organizatës Ndërkombëtare të Punës një (1) punë në turizmi e gjeneron së paku 1.5 vende shtesë
në sektorët që lidhen me të. Pra kjo e ka mundësinë që të përbëjë një ndikim domethënës në
papunësinë që ekziston, e veçanërisht në zonat rurale të Dragashit ku shpopullimi po ndodh për shkak të
mungesës së mundësive ekonomike. Po ashtu ekziston mundësia për t’i ndihmuar Dragashit në saje të
natyrës së ekonomisë, ku dihet se Dragashi është prodhues i shumë artikujve (të ushqimet, barërave,
etj) të cilat janë të konsumueshme nga sektori turistik.
194