Shtojca 1 - UNDP Kosovo

infrastrukturën dhe organizimin në mënyrë që të bëhen parterë efikas në ofertat turistike që përfshijnë
shumë vende.
Përfundimet
Rajoni i Dragashit ka një ofertë të pasur natyrore dhe kulturore e cila, po qe se ofrohet në paketë ashtu
si duhet do të mund të ndërtonte bazën për një strategji të qëndrueshme të turizmit për rajonin.
Dragashi ka një pozitë ideale në kryqëzimin e tre vendeve, është afër Prizrenit, një nga destinacionet më
të mëdha turistike të Kosovës, shumë shpejtë do të përfitojë nga zgjerimi i Parkut Nacional Sharri, ka
mundësi zhvillimi të zonës ndërkufitare të mbrojtur, ka një kulturë interesante të përzier shqiptare dhe
gorane, si dhe natyra i ka dhuruar disa nga pamjet dhe peizazhet më të bukura malore të Kosovës.
Produktet e mundshme turistike në ofertë nga Dragashi janë gjithashtu konsistente me theksin që i jepet
turizmit kulturor dhe natyror të Ballkanit Perëndimor dhe si mjete për ta ndihmuar zhvillimin rural nga
komunitetet e ndryshme të donatorëve. Ai gjithashtu ka një numër të madh të ofertave turistike që
përkojnë me 6 shtyllat e Strategjisë së Kosovës për Turizëm.
Megjithatë, përkundër këtyre përparësive, Dragashi gjithashtu është duke filluar nga zeroja përkitazi me
planifikimin dhe politikat e turizmit, ka infrastrukturë të kufizuar dhe mungesë të njohjes së markës
(markë e produktit) jo vetëm ndërkombëtarisht por edhe brenda vetë Kosovës. Më tej, ndonëse pasuritë
natyrore të Dragashit përshtaten me planifikimin turistik të nivelit qendror, në asnjë nga këto plane nuk
flitet për veçantitë e Dragashit dhe komuna, pa një buxhet aktual të turizmit, është përgjegjëse për të
udhëhequr në këtë sektor.
Dragashi është gjithashtu në konkurrencë të drejtpërdrejtë me qendrat turistike që bazohen në natyrë,
të cilat kanë përfituar jo vetëm nga investimet më të larta të donatorëve, por edhe nga borde më të
fuqishme nacionale të turizmit për zhvillimin dhe promovimin e strategjive konsistente.
Pavarësisht nga sfidat me të cilat ballafaqohet Dragashi, komuna ka një potencial të jashtëzakonshëm
turistik me veçoritë e saj natyrore, jetën rurale në fshatra dhe diversitetin kulturor. Një strategji e bazuar
në natyrë që i vë theks lidhjes ndërmjet natyrës dhe mikpritjes rurale malore siguron jo vetëm produktin
më konkurrues turistik që ka Dragashi, por edhe bazohet në pasuritë natyrore të rajonit që do të
ndihmojnë në uljen e kostos së investimit dhe është në vijë me strategjinë nacionale të turizmit të
Kosovës.
Konkurrenca rajonale nuk duhet të shihet si negative, por në vend të kësaj ajo duhet të shihet në
aspektin pozitiv që Dragashi, nëse e ndërton infrastrukturën turistike të nivelit bazik, do të jetë në
gjendje të qaset në rrjedhën apo aktuale të vizitorëve në Ballkanin Perëndimor.
Hapat jetike në zhvillimin e sektorit të turizmit të bazuar në natyrë janë të:
1) Identifikohen pikat unike afirmuese në krahasim me rajonin,
2) Zhvillohet një strategji sistematike për zhvillim të qëndrueshëm të turizmit
3) Investohet në mënyrë strategjike në infrastrukturën e turizmit (investime njerëzore dhe fizike)
për ngritje të standardeve, përmbushje të pritjeve të vizitorëve dhe ofrimit të cilësisë dhe vlerës
së lartë për koston
189