Shtojca 1 - UNDP Kosovo

Pikniku/Turizmi ditor: Shumë vizitorë potencialë të Dragashit mund të kenë dëshirë të ndërveprojnë me
natyrën në një mënyrë më të lehtë se sa përmes shëtitjes malore, çiklizmit dhe turizmit aventuristik.
Dragashi ka një numër zonash të bukura që janë lehtësisht të qasshme përmes rrugës, por që ende e
kanë karakterin e të qenit në malet e largëta. Komuna do të duhej të paracaktonte vendet për piknik
dhe ato me pamje piktoreske që të t’ua plotësojë nevojat edhe të atyre vizitorëve që vijnë në Dragash
vetëm për një ditë.
Ndërtimi i një “rruge piktoreske” nga Zhuri në Brod do të mund të reklamohej edhe vetë si një pikë
destinacioni, me hapësira pikniku përgjatë saj.
Turizmi rural: Ndonëse e tërë strategjia e bazuar në natyrë ndërlidhet me turizmin rural, ajo duhet
theksuar si aktivitet në vete. Sistemi i objekteve familjare të vogla të akomodimit do ta
komplementonte ofertën e sipërpërmendur të natyrës, shtonte numrin e krevateve në dispozicion, dhe
do ta përforconte atmosferën specifike të trashëgimisë kulturore.
Kuzhina reflekton karakterin unik kulturor të rajonit dhe është një kontribut i madh në përvojën cilësore
turistike. Mënyra se si ushqimi kultivohet dhe përgatitet, roli që ai ka në rituale dhe tradita të njerëzve
promovon idenë e kulturës së kuzhinës – ushqimit të lidhur ngushtë me traditat dhe kulturën e njerëzve,
në harmoni me njeriun dhe natyrën. Përsëri, kjo do të ishte vlerë shtesë në trashëgimin unike kulturore
dhe gjithashtu do të promovonte zhvillimin e bizneseve të turizmit bazuar në operatorin individual të
lidhur me punën e tyre. Në këtë mënyrë, të hyrat nga turizmi veprojnë si shtesë në profesionin e tyre të
rregullt (bujqësi, blegtori, bletari, prodhim djathi etj.).
Festivalet kulturore: Për shkak të kufizimeve buxhetore shumë festivale nuk festohen më. Megjithatë,
trashëgimia kulturore mund të jetë një atraksion madhor për vizitorët dhe mund të shfrytëzohet për të
shtuar numrin e vizitorëve në kohë të caktuara të vitit. Festivalet kryesore që mund të shfrytëzohen jo
vetëm për tërheqjen e vizitorëve por edhe për mbrojtjen e trashëgimisë kulturore të zonën janë:
Garat me kuaj
Garat në mundje (pehlivan)
Festivali i pranverës
Profili i turistit të natyrës në rajon
Dragashi ka potencialin për tërheqjen e katër tregjeve kyçe të turizmit në fazën e saj fillestare të
zhvillimit:
1) Turistët vendorë të interesuar në përjetimin e natyrës, kulturës dhe stilit të shëndetshëm
jetësor
2) Diaspora që kthehet gjatë muajve të verës
3) Ndërkombëtarët që jetojnë në Kosovë dhe që kërkojnë të eksplorojnë vendin dhe të cilët janë të
interesuar për aventurë, natyrë dhe kulturë
4) Turistët ndërkombëtarë që kërkojnë përvoja unike kulturore dhe natyrore
185