Shtojca 1 - UNDP Kosovo

(Shqipërisë dhe IRJM-së) është ideal për turizmin transit dhe bukuri natyrore e malit Sharr, vazhdim i
Parkut Nacional të Sharrit, profili rural i komunës, si dhe veçoritë unike kulturore janë të gjitha
potenciale për zhvillimin e turizmit natyror me segmente të turizmit dimëror, kulturor dhe të aventurës.
AKK mund gjithashtu të ndihmojë në mundësimin e strategjisë rajonale të turizmit, planit master dhe një
sistemi të bashkërendimit nga të cilat do të përfitonin të gjitha komunat në Rajonin Jugor, e në veçanti
ato që kanë zona brenda Parkut Nacional të Sharrit. Parku Nacional duhet gjithashtu të shihet si një
akter i rëndësishëm në sektorin e turizmin në zonë, dhe si rezultat i profilit të parkut, i rëndësishëm për
turizmin specifik natyror. Gjithashtu, është e nevojshme që të bashkërendohen aktivitetet me zyrtarët e
Parkut dhe sipas rregullave të zonimit të Parkut Nacional dhe strategjisë të menaxhimit.
Aktualisht, Parku është në kërkim të fondeve për blerjen dhe implementimin e një koncepti të markës
dhe marketingut që tashmë është dizajnuar. Ai gjithashtu është duke e ndjekur një strategji të bazuar në
turizmin malor përmes partneritetit me CRET – ‘Centre de formation’ (http://www.cret-cci.com/) në
zhvillimin e shtigjeve të shëtitjes dhe promovimin e turizmit malor në rajon.
Donatorët dhe OJQ-të
Zhvillime të rëndësishme kanë filluar në terren nga agjencitë donatore që janë pozitive për zhvillimin e
turizmit në Dragash, dhe të cilat e mbështesin theksin institucional që i është dhënë turizmit natyror dhe
rural. Në mënyrë specifike, Programi për Zhvillim i Kombeve të Bashkuara (UNDP) është duke e
implementuar një projekt 3 vjeçar që fokusohet në zhvillimin e qëndrueshëm ekonomik dhe mbrojtjen e
mjedisit në Dragash. Fokusi në mbrojtjen mjedisore dhe zhvillimin e qëndrueshëm ka çuar në turizmin e
bazuar në natyrë si sektor prioritar për investim dhe planifikim të mëtutjeshëm.
Agjencia Gjermane për Zhvillim GIZ e ka identifikuar gjithashtu turizmin natyror dhe rural në rajonin
jugor si sektor prioritar dhe aktualisht është duke zhvilluar plane për të krijuar një rrjet të shtigjeve të
shëtitjes që promovon bashkëpunim ndërkomunal dhe tejkufitar. Komisioni Evropian ka investuar fonde
(dhe planifikon fonde tjera në të ardhmen) në këtë zonë gjithashtu, ndërsa një projekt i kohës së fundit
nga Arbeiter-Samariter-Bund (ASB) është fokusuar në trajnimin e udhërrëfyesve malorë, shënimin e
shtigjeve dhe të turizmit, si dhe zhvillimin e
Përmes programit të tij KPEP, USAID ka ndihmuar në mbështetjen e rajonit të Rahovecit dhe në forcimin
e sektorit të turizmit kosovar në përgjithësi. Ndonëse projekti do ta përmbyll komponentin e tij të
turizmit në vitin 2012, mësimet e mësuara dhe strukturat e krijuara në Pejë dhe në Rahovec mund të
shërbejnë si shembull për projekte te ardhshme në Dragash.
Është e qartë, përmes financimit të shtuar dhe turizmit që bazohet në natyrë, se donatorët janë duke
filluar të jetësojnë strategji që kanë funksionuar në zonat rurale fqinjësore në Shqipëri, rajonin jugor
përgjatë masivit të Sharrit.
178