Shtojca 1 - UNDP Kosovo

Vizioni
Turizmi është një shtyllë themelore e ekonomisë së Dragashit dhe do të kontribuojë në përmirësimin e
zhvillimit afatgjatë ekonomik dhe social.
Misioni
Dragashi do të zhvillojë një ekonomi të qëndrueshme të turizmi përmes një partneriteti të sektorit
publik, sektorit privat dhe shoqërisë civile për ta mbrojtur mjedisin, shtuar punësimin dhe mundësitë
ndërmarrëse, përfitimet sociale, përfitimet e industrisë dhe të hyrat komunale.
Objektivat
a) Aktivitet i shtuar turistik dhe euro të turizmit të shpenzuara në Komunën e Dragashit
b) Mbrojta e mjedisit përmes turizmit të qëndrueshëm natyror
Pozita e Dragashit në Ligjin, Politikat dhe Praktikën e Kosovës
Çfarëdo analize e përparësive potenciale të turizmit të Dragashit duhet së pari të merr parasysh
pozicionimin e mundshëm të Dragashit në kornizën ligjore dhe të politikave për turizëm. Është e
rëndësishme për Dragashin që t’i rreshtojë pasuritë e tij të turizmit me prioritetet e politikave turistike
të qeverisjes qendrore në mënyrë që të maksimalizojnë marketingun dhe të përfitojë nga benefitet në
dispozicion.
Ligji dhe dokumentet kryesore të politikave lidhur me turizmin në Kosovë janë:
1. Strategjia e Turizmit Kosovë 2011-2020
2. Asociacioni i Komunave të Kosovës – Deklarata e Politikave për Turizëm
3. Udhëzuesi Implementues për Turizmin i Asociacionit të Komunave të Kosovës (Udhëzimi
10/2004)
4. Ligji për turizmin dhe shërbimet turistike (Ligji Nr. 03/L-168)
Krahas këtyre dokumenteve, është e rëndësishme të bëhen të ditur akterët që janë të përfshirë në
sektorin e turizmit lidhur me Dragashin dhe puna praktike që është duke u bërë tashmë. Duke i
vlerësuar politikat dhe akterët, Dragashi është në pozitë më të mirë për ta vlerësuar potencialin e tij
turistik, si dhe resurset e mundshme në dispozicion.
175