Shtojca 1 - UNDP Kosovo

Hyrje
Mjedisi natyror, terreni malor/relieve, flora dhe fauna dhe pozita gjeografike e Dragashit janë pasuritë
më të mëdha të komunës sa i përket turizmit. Megjithatë, infrastruktura e nivelit të dobët, planifikimi
urban joadekuat dhe çështjet substanciale të menaxhimit të mbeturinave janë të gjitha pengesa për
zhvillimin e qëndrueshëm të turizmit.
Niveli ekzistues i infrastrukturës së turizmit është i ulët, ka mungesë të strategjive sistematike të
turizmit, nuk ka fonde të ndara për zhvillimin e turizmit nga komuna, nuk ka produkte të turizmit në treg
dhe financimi i kufizuar në diskrecion për investime në turizëm. Pavarësisht nga këto sfida, Dragashi
është mirë i pozicionuar përkitazi me pasuritë natyrore dhe pozitën e tij. Aktualisht, trendi në
reklamimin e produkteve të turizmit është qasja ndaj Ballkanit perëndimor si tërësi 6 . Brenda kësaj zone
turistike, turizmi rural dhe ai i bazuar në natyrë është një nga sektorët me rritje më të shpejtë dhe që
mbështetet vazhdimisht nga komuniteti i donatorëve.
Me zgjerimin e pritur të Parkut Nacional të Sharrit në Dragash dhe duke e pasur parasysh natyrën rurale
të zonës dhe mungesën e investimeve aktuale, strategjia më efikase për shtimin e vizitave turistike është
fokusimi në pasuritë natyrore të Dragashit përmes turizmit që bazohet në natyrë.
Përmes planifikimit strategjik dhe investimeve, trashëgimia e veçantë kulturore, bukuria natyrore dhe
pozita gjeografike unike (e kufizuar me IRJM dhe Shqipëri) mund të shfrytëzohet për rezultate
ekonomike dhe për të ndihmuar në mbrojtjen e mjedisit.
Realiteti i gjendjes së tanishme
Para se të bëhet analizimi i përparësive krahasuese të turizmit natyror të Dragashit me shtetet e
Ballkanit Perëndimor në fqinjësi (Serbia, Mali i Zi, Shqipëria, IRJM dhe Bosnja e Hercegovina) duket të
njihet realiteti i tanishëm. Aktualisht, Dragashi është duke filluar gati nga niveli zero përkitazi me
zhvillimin dhe planifikimin e turizmit. Deri më tani, nuk ka pasur një plan veprimi të definuar për
turizmin në komunë, ndërsa një strategji që u krijua në vitin 2002 nuk u zbatua kurrë dhe, duke qenë
rajoni më i varfër në Kosovë, ai vuan nga mungesa e investimeve në infrastrukturën e përgjithshme dhe
në veçanti në infrastrukturën e turizmit.
6 Ballkani Perëndimor përfshinë: Serbinë, Malin e Zi, Shqipërinë, IRJM-në, Kosovën dhe Bosnjë e Hercegovinën.
173