Shtojca 1 - UNDP Kosovo

Projekti i UNDP-së në Dragash - Mbrojtja e Biodiversitetit dhe Menaxhimi i Qëndrueshëm i Shfrytëzimit të Tokës
Analizë e çështjeve kryesore për Planin komunal zhvillimor për Dragashin
Draft
Kompania jo fitimprurëse "InterSilva", me seli në Mbretërinë e Bashkuar, ka qenë aktive në fushën e pyjeve në Kosovë
që nga viti 2009. Që nga viti 2010, “InterSilva” ka hyrë në partneritet me një organizatë jo qeveritare lokale “Agro – Vet
Development” për të zbatuar projektin "Pemët e Paqes në Kosovë", në komunën e Obiliqit. Ky partneritet përfshinë edhe
ndërtimin e kapaciteteve në fushën e mbrojtjes së mjedisit me fokus të veçantë në sektorin e pyjeve.
Përvoja e gjërë e mëparshme e zbatuesve ishte një garancion i zbatimit të suksesshëm të projektit "Pemët e Paqes në
Kosovë", projekt i cili në komunën e Obiliqit dhe Ferizajit deri më tani ka mbjellur më shumë se 11,000 drunjë, të llojeve
të ndryshme. Përveç kësaj, ekspertiza përfshinë edhe aftësinë e organizatave zbatuese për të siguruar trajnime dhe
ngritjen e vetëdijes në lidhje me promovimin e praktikave më të mira të mbrojtjes së mjedisit.
OJQ “Agro – Vet Development” (AVD) është një organizatë jo - qeveritare e themeluar në vitin 2009 nga një skuadër e
ekspertëve në fushën e bujqësisë, veterinarisë, mjekësisë dhe ekonomisë.
Përshkrimi i projektit
Projekti do të fillojë me organizimin e një debati me banorët e Kerstecit, të Rapcës, dhe Brutit në Dragash, me qëllim të
informimit në fushëveprimin e projektit, marrjen e reagimeve të informacioneve përkatëse, si dhe përfshirjen e tyre në
këto përpjekje masive.
Në këtë debat do të jenë të pranishëm edhe zyrtarë përgjegjës komunalë dhe përfaqësues të UNDP-së, përfaqësues të
AVD-së, OJQ-së Koretniku.
Projekti do të vazhdojë me organizimin e seminareve (punëtorive) të ndryshme me qëllim të rritjes së vetëdijes
dhe për të ndërtuar një bazë të mirë për prodhimin e pemëve, menaxhimin e fidanishteve dhe do të organizojë
komunitetin në drejtim të aktivitetetve të pyllëzimit dhe /ose mbjelljen e pemëve frutore.
me qëllim të inicimit të themelimit të një fidanishteje fokusi do të jetë në organizimin e aktiviteteve për
grumbullimin e farave dhe fidanëve në mënyrë që të përhapen speciet vendase.
Në këto aktivitete do të marrin pjesë nxënës nga shkollat lokale, aktivistët nga fshatrat përreth, por edhe grupe
të ndryshme të margjinalizuara, si femrat dhe pakicat.
Do të organizohen trajnime të ndryshme në shkollat lokale për sektorin e pyjeve dhe për përfitimet nga ky
sektor.
Mediat lokale, të shkruara dhe elektronike, do të ftohen që të jenë pjesë e të gjitha aktiviteteve të projektit, në
mënyrë që të ndihmojnë në promovimin e projektit, dhe rritjen e vetëdijes dhe të publicitetit të fushatës dhe
aktiviteteve të ndryshme.
Shpërndarja e materialeve informuese: broshura, DVD, afishe, fletushka të ndryshme me informacione në lidhje
me projektin, por edhe për sektorin e pyjeve, në përgjithësi.
Qëllimi, objektivat dhe aktivitetet e projektit
Faqe 154 nga 229
c:\users\admin\desktop\per web faqe\dragash year 2011 report annexes_abanian final.doc