Shtojca 1 - UNDP Kosovo

Projekti i UNDP-së në Dragash - Mbrojtja e Biodiversitetit dhe Menaxhimi i Qëndrueshëm i Shfrytëzimit të Tokës
Punëtoria për vizionin e PZHK-së së Dragashit, 5 – 8 shtator 2011
Raport
2. Përmirësimi i vendim marrjes, shërbimeve administrative dhe publike
3. Mbrojtja e trashëgimisë kulturore dhe zhvillimi i aktiviteteve kulturore.
Pas analizimit të situatës dhe zhvillimit të vizionit, grupet diskutuan hapat konkretë të zbatimit të
çështjeve të përzgjedhura, si furnizimi me ujë dhe kanalizimet, ecjen në natyrë dhe zhvillimin e turizmit,
energjinë e qëndrueshme, produktet pyjore jo drusore (manat e egra) dhe prodhimin e ushqimit.
Në fund të punëtorisë, u bë një vlerësim i shpejtë duke u parashtruar pjesëmarrësve 4 pyetje lidhur me
përmbushjen e pritjeve të tyre lidhur me ndikimin e punëtorisë në PZHK, përvojën e tyre individuale në
punëtori, cilësinë e logjistikës, si dhe cilësinë e moderimit. Vlerësimi i përgjithshëm i pjesëmarrësve ishte
shumë pozitiv për të gjitha 4 pyetjet.
Bazuar në rezultatet e punëtorisë për vizionin, raporti propozon hapat e ardhshëm të punës për
rishikimin e informatave të dhëna, finalizimin e vizionit, PZHK-në dhe Planin e Menaxhimit të Parkut
Kombëtar, zhvillimin e kapaciteteve, zhvillimin ekonomik / projektet e fshatit dhe çështjet gjinore.
Shpjegim i arsyeshmërisë së punëtorisë
Shpjegimi i arsyeshmërisë së punëtorisë është
Që të rrisë marrjen e përgjegjësive për Planin Zhvillimor të Komunës (PZHK) nga ana e
shoqërisë civile, sektori privat, komuna, qytetarët dhe të tjerë duke formuar një themel
konsensual për përgatitjen e PZHK-së;
Që të fuqizojë dialogun dhe bashkëpunimin në mes të shoqërisë civile, sektorit privat
dhe komunës; dhe
Që të fuqizojë shoqërinë civile, sektorin privat dhe të tjerët drejtë planifikimit
gjithëpërfshirës hapësinor dhe për të përmirësuar cilësinë e jetës në komunitet.
Rezultatet e pritshme ishin si në vijim
Një vizion për Komunën e Dragashit, i cili bazohet në vizionet e fshatrave individuale, komunën,
sektorin privat dhe shoqërinë civile. Vizioni do të ofrojë të dhëna dhe udhëzime për PZHK-në e
Dragashit. Punëtoria do të arrijë pajtueshmëri lidhur me një deklaratë të shkurtër mbi atë se si
do të duket Dragashi pas dhjetë apo pesëmbëdhjetë viteve.
Një mekanizëm pjesëmarrës i themeluar për zhvillim të PZHK-së.
Përmirësimi i komunikimit në mes të komunës, fshatrave, sektorit privat dhe grupeve të
shoqërisë civile.
Metodologjia
Qasja e përgjithshme
Qasja për punëtorinë ishte dizajnuar në përputhje me kërkesat e formuluara në Ligjin e Planifikimit
Hapësinor (Ligji Nr. 2003/14). Në përgjithësi metodologjia e aplikuar ka ndjekur një qasje të përdorur
nga UN Habitati në projekte të ndryshme në rajon.
Faqe 15 nga 229
c:\users\admin\desktop\per web faqe\dragash year 2011 report annexes_abanian final.doc