Shtojca 1 - UNDP Kosovo

Projekti i UNDP-së në Dragash - Mbrojtja e Biodiversitetit dhe Menaxhimi i Qëndrueshëm i Shfrytëzimit të Tokës
Analizë e çështjeve kryesore për Planin komunal zhvillimor për Dragashin
Draft
Shtojca 9 Planet e Menaxhimit dhe të Biznesit për Zonat e Mbrojtura
Planet e Menaxhimi dhe të Biznesit për Zonat e Mbrojtura dhe Parqet Nacional në Lidhje me
Punëtorinë Lokale të Zhvillimit Njerëzor
Prishtinë, Kosovë, 24-25 maj 2011
Shënim: Ky raport është pjesë e një raporti më të madh për Parkun Nacional të Sharrit, i përgaditur në
Maj 2011:
http://www.ks.undp.org/repository/docs/Report_SNP_Workshop_May_24_25_2011_v03_PB.pdf
Konkluzione dhe rekomandime
Konkluzione të përgjithshme:
Kuadri aktual i padefinuar politik dhe institucional i PNS-së është një sfidë e madhe për hartimin e planit
të menaxhimit (PM) dhe planin e biznesit (PB), duke përfshirë rolet dhe përgjegjësitë. Edhe pse PM-ja
dhe më pas PB-ja mund të zhvillohen (me të dhëna të fuqishme nga ana e konsulentëve), aspekti më
kritik është zbatimi. Nëse nuk ka mandat ligjor për zbatimin e përgjegjësive, të dy planet mund të jenë
në rrezik. Duke pasur parasyshë këtë situatë, UNDP-ja duhet të vlerësojë me kujdes qëndrueshmërinë e
investimit të kohës, përpjekjeve dhe burimeve të nevojshme për formulimin e PM-sët dhe të PB-së në
këtë pikë. Megjithatë, ka shpresa të rëndësishme për të dy planet.
Shumica e pengesave aktuale për një formulim dhe zbatim të suksesshëm të PM-së / BP-së janë të
lidhura me çështjet e qeverisjes dhe kapacitetet institucionale. E para është një aspekt politik kritik, që
mund të kërkojë një kohë të gjatë për t'u zgjidhur. E dyta, kapacitetet institucionale janë diçka që mund
të adresohen menjëherë dhe të ndërtohen në mënyrë progresive, me mbështetjen e konsulentëve.
Një sfidë e madhe për PM-në është kuadri ligjor. Ajo kërkon miratimin e kuvendit që të hyjë në fuqi
(kategori ligjore). Kjo mund ta kthej PM-në në një dokument të ngurtë i cili mund të kërkojë një
dokument shtesë rregullativ që të bëhet funksional. Miratimi nga kuvendi mund të jetë i vështirë dhe i
nxitur politikisht.
Në këtë moment nuk ka qartësi të statusit ligjor që një plan biznesi i PNS-së do të kishte nëse do të ishte
zhvilluar. Megjithatë është e rëndësishme që plani i biznesit mbetet një "mjet menaxherial fleksibël
lidhur me nevojat financiare të planit të menaxhimit të ZM-së. Ajo përshkruan veprimet e nevojshme
për të zbatuar një apo më shumë mekanizma të të ardhurave të ZM-së dhe rritjes së fitimit ekonomik.
Përdor modelin operativ më të mirë të mundshëm (duke pasur parasyshë aspektet mjedisore, sociale
dhe financiare) ". Këto elemente i PB-së duhet të merren parasysh kur të formulohet PM-ja e PNS-së.
Nëse Qeveria ka filluar procesin e formulimit të një strategjie zhvillimore kombëtare të turizmit, është e
rëndësishme që agjencia përkatëse e sektorit (p.sh. e turizmit) të jetë e angazhuar në procesin e
përpilimit të PM-së së PNS-së, me fokus në mundësitë e të ardhurave dhe investimeve në turizmin e
bazuar në natyrë.
Faqe 141 nga 229
c:\users\admin\desktop\per web faqe\dragash year 2011 report annexes_abanian final.doc