Shtojca 1 - UNDP Kosovo

Projekti i UNDP-së në Dragash - Mbrojtja e Biodiversitetit dhe Menaxhimi i Qëndrueshëm i Shfrytëzimit të Tokës
Analizë e çështjeve kryesore për Planin komunal zhvillimor për Dragashin
Draft
Zona apo sipërfaqja fizike dhe/ose kufijtë e përgjithshëm mund të jenë caktuar, por përkufizimi i
detajuar mund të mos jetë demarkuar zyrtarisht dhe mos të jetë përligjur.
Kufiri zyrtar mund të vërehet vetëm në harta përpjesë shumë të mëdha: mund të mos dihet
demarkacioni i hollësishëm.
Kufijtë mund mos të njihen apo mund të kuptohen ndryshe nga institucione tjera (p.sh. qeverisja
rajonale, autoritetet pyjore) .
Mund të ketë kontestime ligjore të kufijve.
Zonat e jashtme “tampon” apo “zonat e mbrojtura” mund të mos kenë kufij zyrtar dhe mund të jenë
jashtë zonës së mbrojtur me ligj.
Të sigurohet informimi i të gjitha autoriteteve të duhura
Miratimi zyrtar i procesit të planifikimit është qenësor për legjitimitetin e planit dhe, në këtë pikë, duhet
të negociohet gjithashtu procesi i qartë i aprovimit të planit. Në autoritetet që duhet të informohen për
planifikimin mund të përfshihen:
Autoritetet nacionale për zonat e mbrojtura.
Autoritetet lokale të tokës dhe menaxhimit të burimeve (autoritetet përkatëse të pylltarisë, bujqësisë,
ujësjellësit, etj)
Autoritetet e trashëgimisë kulturore
Autoritetet e turizmit
Qeverisja lokale (Kryetarët e komunave dhe autoritetet tjera civile, agjencitë e qeverisjes lokale)
Kryerja e një analize të palëve në interes
Para fillimit të çfarëdo ankete apo aktiviteti planifikues, ekipi planifikues duhet të punojë së bashku për
t’i identifikuar hisedarët kryesorë për zonat e mbrojtura dhe t’i identifikojnë interesat e tyre në zonë.
Hisedarët janë ata individë, grupe apo organizata me interes të drejtpërdrejtë, të rëndësishëm dhe
specifik në zonën e mbrojtur apo në burimet e saj. Në veçanti, janë ata të drejtat, mandatet, interesat
apo nevojat e të cilëve mund të preken në mënyrë të drejtpërdrejtë nga zbatimi i planit të menaxhimit.
Përgatitja e një plani të pjesëmarrjes
Pas identifikimit të hisedarëve për zonat e mbrojtura nga ekipi i planifikimit, ata duhet të përcaktojnë
për çdonjërin prej tyre nivelet e duhura të pjesëmarrjes në procesin e planifikimit të menaxhimit.
Kryerja e një analize të nevojave për informim dhe të disponueshmërisë
Në këtë fazë të hershme, është gjithashtu e dobishme që të vlerësohen dhe grumbullohen saktësisht
informatat që janë në dispozicion lidhur me zonat e mbrojtura. Disponimi me këto informacione do të
ndihmojë për të vendosur nëse nevojiten hulumtime në terren për t’i siguruar informacionet e kërkuara
për planin e menaxhimit. Pasi të jetë përfunduar vlerësimi, ekipi mund të përcaktojë se çfarë pune
duhet të bëhet për të përgatitur përshkrimin e plotë të lokacionit.
Faqe 132 nga 229
c:\users\admin\desktop\per web faqe\dragash year 2011 report annexes_abanian final.doc