Kodi i Shperndarjes-Versioni Final - KEK

1.2 Përdorimi i Sistemit të Shpërndarjes
1.2.1 Përdorimi i Sistemit të Shpërndarjes mund të përfshijë çdo njërin nga këto veprime
si në vijim:
(a) Lidhja në hyrje ose në dalje të Sistemit të Shpërndarjes. Pika hyrëse është lidhja
në mes të Sistemit të Shpërndarjes dhe Sistemit të Transmisionit ose të
Njësive Gjeneruese. Pika dalëse është lidhja në mes të Sistemit të Shpërndarjes
dhe të vendit të kyçjes të konsumatorit.
(b) Përdorimi i Sistemit të Shpërndarjes për bartjen e energjisë elektrike në mes
pikave hyrëse dhe dalëse.
(c) Konstruksionin e Pikës Lidhëse.
(d) Puna ose operimi që ka të bëjë me pajisjet në pikat e ndërlidhjes me Sistemin e
Shpërndarjes.
1.3 Kodi i Shpërndarjes dhe Dokumentimet tjera
1.3.1 Kodi i Shpërndarjes është përgatitur nga OSSh – OST, në përputhje me Nenin
38.7 të Ligjit për Energjinë Elektrike dhe akteve tjera nënligjore mbi energjinë
elektrike. Definon të gjitha aspektet teknike të mardhënjes së punës në mes të OSSh-
së dhe të gjithë përdoruesve të Sistemit të Shpërndarjes, që të siguroj një
efikasitet, ko-ordinim dhe një sistem ekonomik për shpërndarje të energjisë elektrike.
Gjithashtu ky Kod i mundëson OSSh-së që të jetë në pajtushmëri me përgjegjësitë
që dalin nga Licenca e Operatorit të Sistemit të Shpërndarjes dhe me Kodin e
Rrjetit dhe të Matjes.
1.3.2 Raportet në mes të Kodit të Rrjetit dhe Kodit të Shpërndarjes janë paraqitur si në
figurën më poshtë.
Kodi i Shpërndarjes – versioni 1.0
6