Kodi i Shperndarjes-Versioni Final - KEK

(d) Të tjera.
5.6.2.5 Në vendin e ndërlidhjes ku përdoren ndërprerës të qarkut ata duhet të instalohen me
tipe të releve të pranueshëm nga OSSh. Këta rele do të kenë elemente mbirrymore
dhe mbingarkesë tre fazore dhe një element për lidhjen e shkurtë me tokë. Këto rele
do të kenë karakteristikën kohë-rrymë që përputhen me tipet e standardeve A, B dhe
C të IEC 255.
Parametrat maksimal të pranueshëm për rele në kufijtë e pronësisë, e që janë të
domosdoshme për të siguruar selektivitetin me pajisjet e shpërndarjes, do të
sigurohen nga OSSh, dhe këta parametra mund të rishqyrtohen nga OSSh në çdo
kohë në të ardhmen. Mbrojtja e Sistemit të Shpërndarjes synon të zvogëlojë
ndikimin e rënieve përfshirë kohëzgjatjen e uljes së tensionit dhe nuk duhet të ketë
ndikim të kundërt nga kufizimet e mbrojtjes së përdoruesve.
(a) Në mënyrë që të sigurohet operim i kënaqshëm i Sistemit të Shpërndarjes,
Kodi i Shpërndarjes – versioni 1.0
sistemet e mbrojtjes, kohët e operimit, selektiviteti, dhe ndjeshmëria në kufirin
e pronësisë, do të dakordohen në mes OSSh-së dhe Përdoruesit gjatë
aplikimit për procesin e kyçjes, dhe mund të rishqyrtohet herë pas herë nga
OSSh;
(b) Në mënyrë që të mbulohet një ndërprerës i qarkut, apo pajisjes që ka funksion
të ngjashëm, e cila dështon për të operuar në mënyrë korrekte për ndërprerjen
e rrymave të prishjes në sistem, mbrojtja ndihmëse përmes operimit të
ndërprerësve tjerë të qarkut apo pajisjeve që kanë funksion të njëjtë duhet
normalisht të sigurohet; dhe
(c) Përveç nëse OSSh këshillon ndryshe, nuk është e pranueshme për Përdoruesit
të kufizojnë rrymat furnizuese të prishjes në Sistemin e Shpërndarjes përmes
përdorimit të mbrojtjes dhe pajisjeve shoqëruese për kufizimin e rrymave të
prishjeve ashtu që defektet në atë pajisje mbrojtëse apo shoqëruese, me rastin
e shfaqjes së prishjeve veprimi i mbrojtjeve në pronësi të OSSh-së të operojë
jashtë kategorisë së vet nominale të lidhjeve të shkurtra.
5.6.2.6 Reletë mbrojtëse duhet të komisionohen në vendndodhje nga Përdoruesi i cili do
të sigurojë që parametrat të jenë nën nivelet maksimale të lejuara. Në raste të
caktuara OSSh mund të kërkojë që të jetë prezent gjatë testimit të tyre dhe do të jetë
44