Kodi i Shperndarjes-Versioni Final - KEK

5.4.4 Në disa raste, mund të kërkohet informacion më i detajuar për të lejuar vlerësimin e
plotë të efektit të ngarkesës së Përdoruesit në Sistemin e Shpërndarjes.
Informacioni i tillë mund të përfshijë treguesit e një modeli të selektuar të ndërtimit
të ngarkesës dhe një program komisionues të propozuar. Ky informacion në
mënyrë specifike do të kërkohet nga OSSh në rastin kur është e domosdoshme dhe
do të sigurohet nga Përdoruesi brenda një kohe të arsyeshme.
5.4.5 Përdoruesit do të kontaktojnë OSSh-në paraprakisht nëse propozohet të bëhet
ndonjë ndryshim i rëndësishëm në kyçje, linja elektrike apo pajisje elektrike, të
instalojnë apo operojnë ndonjë pajisje prodhuese apo të bëjnë ndonjë punë tjetër që
do të mund të ketë efektë në Sistemin e Shpërndarjes apo do të kërkojnë
ndryshime në kyçje.
5.4.6 Përdoruesit duhet të paraqesin tek OSSh informatën e kërkuar në mënyrë të
arsyeshme nga OSSh në lidhje me natyrën, apo përdorimin nga Përdoruesi, të
pajisjes elektrike në objektet e Përdoruesit.
5.5 Aranzhimet e Kyçjes
5.5.1 Tensioni i Kyçjes
5.5.1.1 Gjatë aplikimit për kyçje, OSSh duhet që në konsultim me Përdoruesin, të
specifikoj nivelin e tensionit në të cilin do të kyçet Përdoruesi në përputhje me
kushtet normale për llojin e ngarkesës që do të furnizohet si dhe karakteristikat e
rrjetit.
5.5.1.2 Në përgjithësi, niveli i tensionit do të jetë minimumi i tensionit nominal në
përdorimin standard në Sistemin Shpërndarës, (të përcaktuara në 5.5.1.3), e
vlerësuar kundrejt:
(a) operimit të kënaqshëm të instalimit
(b) izolimin e pengesave që vijnë nga konsumatorëve tjerë
(c) kostot e ciklit jetësor
(d) kostoja e kyçjes
Kodi i Shpërndarjes – versioni 1.0
38