BOKAMOSO JA ITSHOLELO - Government of Botswana
BOKAMOSO JA ITSHOLELO - Government of Botswana
BOKAMOSO JA ITSHOLELO - Government of Botswana
Create successful ePaper yourself
Turn your PDF publications into a flip-book with our unique Google optimized e-Paper software.
121. Ditiro di le dintsi di a dirwa go tswakanya bojanala re ntse re<br />
tshwaraganye le batho. Di akaretsa go tlhabololwa ga mafelo a a jaaka<br />
Moremi Gorge le mafelo mangwe a ditso kwa Lepokole. Tiro ya bojanala<br />
ya go rua dikammela kwa Tsabong le lefelo la itloso bodutu le motse wa<br />
setso kwa Kasane. Go setse go dirilwe ditsela tse di yang kwa mafelong a<br />
a nang dilo tsa ditso di ka nna lekgolo, fa paakanyo ya ditsela, mafelo a go<br />
lalwang mo go one le matshwao a a kaelang bajanala a weditswe kwa<br />
mafelong a a farologanyeng. Mo godimo ga moo, mafelo a ditso a le 10 a<br />
ne a tsenngwa mo bukeng ya puso ya matlotlo a setshaba ka Phukwi<br />
ngwaga ono. Maiteko a go rotloetsa tlhabololo ya tsa bojanala kwa<br />
mafelong a a gaufi le matamo le kwa dikgageng tsa Qcwihaba di<br />
tsweletse. Ke itumelela gape go bolela gore thulaganyo ya <strong>Botswana</strong> Eco-<br />
Certification system, e e rotloetsang bojanala jo bo sa senyeng tikologo<br />
gape e neela banni ba metse seabe, e amogetswe ka maatlametlo ke<br />
botlhe.<br />
122. Batho ka bontsi ba beeletsa mo kgwebong ya bojanala. Dipalo di<br />
supa gore ka Seetebosigo 2012, go ne go na le mafelo a le 764 a a<br />
neetsweng diteseletso tsa go gweba ka bojanala. Fa ba le 406 mo go<br />
bone e le Batswana, mme seo se supa koketsego ya 45 go tswa mo<br />
ngwageng o o fetileng. Dikgwebo tseo, di le 141 ke tse di tlhakanetsweng<br />
fa di le 217 e le tsa ba bangwe. Go ntse go tsweletswe ka maiteko a go<br />
tokafatsa matshelo a beng gae le gore ba nne le seabe. Go rekisiwa ga<br />
mekgabisa e e dirwang mono kwa mafelong a bojanala le ka boranyane<br />
jwa inthanete go a rotloediwa e le bontlha bongwe jwa thulaganyo ya<br />
EDD.<br />
123. E re le fa re tswakanya bojanala re lebogela gore diphologolo tsa<br />
rona le dinaga tsa rona di santse e le jone konokono mo go okeng<br />
bajanala ba mafatshefatshe. Tsamaiso le tlhokomelo ya mafelo a<br />
diphologolo, go tlhomamisa gore ga di kgothege fa ka ntlha e nngwe re<br />
fokotsa kgotlhakgotlhano le batho, legale e santse e le kgwetlho. Maiteko<br />
a go fedisa kgothakgothano eo a akaretsa go epa didiba kwa mafelo a a<br />
sireleditsweng, go ruta balemi barui ka fa ba ka tshelang le diphologolo<br />
tsa naga ka teng le go phimola dikeledi ba ba senyeditsweng ke<br />
diphologolo tsa naga. Ditshekatsheko tsa paka ya komelelo di tsweletse<br />
mo lefatsheng leno go kgobokanya dikitsiso ka seemo le dipalo tsa<br />
diphologolo tsa rona.<br />
124. Kgwetlho e nngwe gape ke go oketsega ga bogodu jwa diphologolo<br />
bo dirwa ke batho ba ba tswang kwa mafatsheng a mangwe, le go utswa<br />
dibatana tse di tshelang, tse jaanong re tlaa simololang go itebaganya le<br />
jone. Gape re tsere tshwetso ya go emisa letsomo go simologa ka 2014<br />
ka jaana go tsomela monate fela go sa kake ga re kgontsha go somarela<br />
diphologolo tse di tshwanetseng go tsewa e le matlotlo e seng sepe gape.