BOKAMOSO JA ITSHOLELO - Government of Botswana
BOKAMOSO JA ITSHOLELO - Government of Botswana
BOKAMOSO JA ITSHOLELO - Government of Botswana
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
ileng jaaka ba-na-le-bogole, masiela le dikhutsana, ba ba lwalang<br />
malwetse a a borai le ba ba tlhokileng lesego. Re itebagantse le go<br />
tlhabolola matshelo a ba ba nnang kwa dikgaolong fela thata, bogolo jang<br />
ba dikgaolo tse di kgakala le ditlamelo.<br />
8. Rotlhe re a itse gore boikgapho bo botlhokwa thata go lwantsheng<br />
mathata a re lebaganyeng nao jaaka go anama ga mogare wa HIV,<br />
ditlamorago tsa go nwa bojalwa phetelela le go dirisa ditagi tse dingwe,<br />
borukutlhi, tshenyetso setshaba le go tlhoka tshwaragano mo malwapeng<br />
le mo merafeng ka kakaretso.<br />
9. Jaaka fa re itshegeditse ka matshego a matlhano, re ikaeletse go<br />
tlhabolola itsholelo ya tshaba ya rona, re bolae lehuma. Babusi ba pele ba<br />
buile, le nna ke sa ntse gatelela gore ga re ka ke ra atlega mo go nneng<br />
tshaba e e tsweletseng pele fa rotlhe Batswana re sa tsenye letsogo go<br />
itima dilo dingwe gore re bone maduo a a bonalang mo isagong.<br />
10. Ke a itse gore tshaba ya rona e na le tse e atlegileng mo go tsone, tse di<br />
itseweng ke beng gae le ba mafatshe a sele. Re sa ntse re e melediwa<br />
mathe ke baditshaba ka seemo sa boiketlo, ditshwanelo tsa setho, go<br />
diragatsa molao, re akaretsa go sa beye tshenyetso setshaba sebete. Re<br />
supile gore re ka kgona go le gontsi ka tse re di dirileng, mme e bile re sa<br />
ntse re ka dira go feta fa.<br />
11. Ke bua jaana ka ntlha ya gore baitse ba puo ba re katlego e tsalwa ke go<br />
diragatsa maikaelelo. Ga re ka ke ra supa sepe sa bonala, fa re sa dire ka<br />
natla mo ditirong. Re a itse gore palo ya rona e nnye mme re tshwanetse<br />
go dira ka natla go itshupa gore re teng, re a kgona mo diemong tse di<br />
thata tsa go itepatepanya le mafatshe a mangwe.<br />
12. Go ntsha maduo mo tirong ga se fela go dira tiro e ntsi, ke go itebaganya<br />
le tse di ka re busetsang maduo. Go kgona se, re tshwanetse go ititaya ka<br />
thupana kwa ditirong le kwa malwapeng. Gore maitlamo a rona a atlege,<br />
re tshwanetse gore itlame rotlhe go aga lefatshe leno, re beye maitlamo a<br />
lone kwa pele.<br />
GO NTSHA MADUO<br />
13. Motsamaisa dipuisanyo, mo dingwageng tse di fetileng, re ntse re<br />
ikgateletse mo go tlhabololeng ditirelo. Mo sebakeng se, seemo sa thusa<br />
setshaba se tshwana le sa mafatshe a mangwe mo kgaolong ya borwa<br />
mme maikaelelo ke go re re se tsholetse, se tshwane le sa<br />
mafatshefatshe. Ka jalo re tsenya leitlho thata mo mekgweng ya go<br />
sekaseka bodiredi, re itshwaragantse le ba dikhamphani tse di ikemetseng<br />
ka lekgotla la <strong>Botswana</strong> Confederation <strong>of</strong> Commerce, Industry and<br />
Manpower (BOCCIM).