buraya

Bu ilahi qüvvə, bu sehrli-sirli dünya Sənin, Sən də mənim.
Bir quş kimi qanadlanıb uçursan,
Nə iqlimin, nə məkanın bilinir.
Gülüm, məndən uzaq, uzaq qaçırsan,
Nə məqsədin, nə ünvanın bilinir.
1965, Dəmirçilər
DƏRGAHA AĞI
Dərdindən xəbəri olmayan kəslər
Qınadı, yüz tənə vurdu üzünə.
Halına acıyıb, qalmayan kəslər
Qohumlu, tay-tuşlu durdu üzünə.
Sənin başqa yolun qalmadı, axı!–
Arayıb, axtarıb, seçib gedəsən.
Bu ölüm adlanan əbədi yuxu–
Son bir əlac oldu, uçub gedəsən.
4 fevral, 1999
DƏMİRÇİLƏR HƏSRƏTİ
Talan olduq, qərib düşdük,
İndi Vətən qanan olduq.
Sızlayıb biz için-için,
Korun-korun yanan olduq.
Oğul, qardaş, dost dağından–
Keçdik dözüm sınağından...
Nadanların qınağından
Çilik-çilik sınan olduq.
171