buraya

Heç bilmirəm nə heyrətdir–
Fəqət bu bir həqiqətdir,
Gəzən səni məhəbbətdir,
Niyə dolmur səbir kasan?
Sən hardasan, sən hardasan???
Bilinməz dərdim, azarım,
Cavanlığa yox güzarım,
Həddən aşıb intizarım,
Cəfalardan barı usan,–
Sən hardasan, sən hardasan???
9 dekabr, 1963
QƏTİYYƏTSİZLİK
Dinlə məni, əziz dostum,–
Xəyal dostum, arzu dostum!
Dərgahından uzaq qaçıb
Neçə ildi, bəsdi susdum.
Susdum–qapısı qıfıllı,
Sahibsiz bir otaq kimi.
Dərdi gizli, sirri gizli,
Günahsız bir dustaq kimi.
Susdum–mahnısı bitməmiş,
Təzə–sınıq bir saz kimi.
Dil ucunda hey dolaşan
Deyilməmiş bir söz kimi.
Susdum–bülbülü yaralı
Gül dibində qəfəs kimi.
Qafiyəsi tapılmamış
Yeni, təzə bir hiss kimi.
162