buraya

Dağımız dağlardan sərin,
Dağımız dağlardan dərin.
Biri düşmən caynağında,
Sızladır, göynədir biri.
Dekabr, 1998.
HARDASAN?
Külək əsər, gül götürməz,
Sınan daraq te götürməz,
Fikir məndən əl götürməz,
Sənə, yarım, gəlir asan–
Sən hardasan, sən hardasan???
Sinəm üstə ələndi köz–
Nəyə gərək bəzəkli söz.
Mən dözürəm, sən demə, döz
Nə qürbətdə, nə dardasan–
Sən hardasan, sən hardasan???
Gəl bir səmtə uçaq mənnən,
Birgə söhbət açaq məndən...
Bir ahusan qaçaq məndən,
Gah ordasan, gah burdasan–
Sən hardasan, sən hardasan???
Hərdən səsin çatar mənə–
Gül nəfəsin çatar mənə–
Kimlər qəmzə satar mənə–
Sən ki, yarım, hələ varsan,
Sən hardasan, sən hardasan???
161