buraya

Cüda düşdüm elimdən,
Səbrim getdi əlimdən,
Mahnı düşməz dilimdən,
Sən xoşuma gələndən.
Sən dilimin əzbəri,
Gəzdim eli sərsəri...
Süzmədim bir dilbəri
Sən xoşuma gələndən.
Bağlanıb əlim, qolum–
Eniş, yoxuşdu yolum...
Bilmədim, necə olum
Sən xoşuma gələndən.
Gecə, gündüz–bir oldu,
Hər bir sözün dürr oldu,
Baxışların sirr oldu,
Sən xoşuma gələndən.
Addım-addım izlədim,
Bulaq üstə gözlədim,
Yerli-yersiz sızladım,
Sən xoşuma gələndən.
10 mart, 1967
ÜZÜNTÜ
Üzü bəri yatan dağlar,
Qürbət bizi yaman əydi.
Ümid gəzir qaçqın ellər
Satqın yıxdı, namərd döydü.
156