Create successful ePaper yourself
Turn your PDF publications into a flip-book with our unique Google optimized e-Paper software.
Ələnsə üstümə dünyanın odu,<br />
Qəlbimdə dil açsa dərdi, fəryadı –<br />
Tək səninlə, gülüm, bir təmiz adı<br />
Hifz edib saxlayan zamanım olsun...<br />
26 aprel, 1965<br />
Dəmirçilər<br />
SƏNİ QƏMLİ GÖRƏNDƏ<br />
İçin-için yarpaq kimi əsirəm,<br />
Ümidimi yerdən, göydən kəsirəm,<br />
Gah olur ki, öz-özümdən küsürəm–<br />
Səni qəmli görəndə.<br />
Axşam, səhər yollar üstə çıxıram,<br />
Sən keçirsən, heyran-heyran baxıram,<br />
Min təlaşla ürəyimi sıxıram–<br />
Səni qəmli görəndə.<br />
Möhnətdəyəm ruhən, inan, mən acam,<br />
Min suallı bir cavaba möhtacam,<br />
Milyon-milyon şübhələrə sayğacam,<br />
Səni qəmli görəndə.<br />
Nidam sual olur, ruhum ağlayır,<br />
Ümidim, inamım qara bağlayır,<br />
Qəlbimdə intizar coşur, çağlayır–<br />
Səni qəmli görəndə.<br />
Yetim uşaq kimi yaman doluram,<br />
Ömürdən gileyli, naçar qalıram,<br />
Dost-tanış içində qərib oluram–<br />
Səni qəmli görəndə.<br />
102