kuhlutwa kwetaga tesiswati - UZSpace Home - University of Zululand

Kubalulekile kubukisisa kutsi iyini ingcikitsi nekutsi ibaluleke ngani. Ingcikitsi
umcondvonchanti noma yinhlitiyondzaba. Ayikho indzaba lengenayo inhlitiyo
noma umcondvo losemcoka kunaleminye. Imphilo yebantfu yakhiwe
imikhakha yemphilo leyehlukene, legcanyiswa tingcikitsi.
Cuddon (1979: 695) uchaza ingcikitsi atsi:
the theme of a work is not its subject but rather its central idea
which may be stated directly or indirectly.
Bacwaningi banemibono leminyenti ngengcikitsi. Cohen (1973:198) uveta
lombono lolandzelako ngengcikitsi:
The essential meaning or main concept of a literary work.
Lomunye umbono ngewa-Abrams (1981 :102) lophawula ngengcikitsi kanje:
a thesis or doctrine which an imaginative work is designed to
incorporate and make persuasive to the reader.
Lokugcamako ngalemibono yebacwaningi kutsi ingcikitsi ivetwa inguloku
lokulandzelako:
• umcondvo lobalulekile
• sibuko semphilo
• sihlanganisi lesicinile
• umcondvonchanti noma inhlitiyondzaba.
54