kuhlutwa kwetaga tesiswati - UZSpace Home - University of Zululand

"Nguwe kuphela longakativa tindzaba letimnandzi? Siya emphakatsi. inkhosi
iyosemukelisa imisila kute siphunge ngayo tilokatane letisiphatamisako,
ikakhulukati timphungane netibawu," kuphendvula timfene tansondvo
timoyitela tikhombisa kuwutfokotelela lomhlangano.
"Nisite bahlobo bami nami ningiphatsele bol" kucela imbila isho ishobela
emgodzini wayo. Tihambe timfene. Tikhandza sekuyaphitsitela enkhundleni.
nguleso naleso silwane sitsatsa indzawo yaso. Ikhulume indlovu.
"El Nginibitele ludzaba Iwemisila sive sami. Sekukanyenti ngitfola tikhalo
kulabanye benu, bakhala ngetilokatane... ikakhulukati bakhonondza nganaba
bakamphungane, "isho indlovu ibeka incwaba yemisila embikwetilwane.
"nguloyo naloyo akatsatse umsila wakhe awuchume kahle enhlakwetibunu."
Ikhuluma nje yona itiphunga ngemsidlanawayo, ibuye yelule umbokowayo, itsi
kutibhambatsa ngawo emhlubulweni timphungane tibaleke kungatsi kukhona
loticoshako. Wayo phela umsila mncanyana ngobe inemtimba lomkhulu
lowesabekako, netimphungane imbala tiyayesaba indlovu. Tilandzelane
tinyamatane tiyotapha imisila.
Kucale Iihhashi lifike likhetse sikhashakhasha selishoba lisinameke kahle etibunu,
lisuke liholobhe liphakamise umsila walo, utsi hashahasha. Kulandzele tinkhomo
nato tifike titikhetsele imisila lemidze lenemashoba lamahle ekugcineni.
Tilandzelane njalo tonkhe tilwane titikhetsela imisila kudzine kuphelele wonkhe
wonkhe umuntfu. Imbila yona i10ku ihleli laphayana emadvwaleni etintsaba,
iyabukela kutsi kwentiwani lapha entansi emtini wenkhosi. Noko inelitsemba
lekutsi timfene titokuyiphatsela wave umsila njengobe icelile. Kwendlula lesi
silwane iyalayetela kutsi siyiphatsele umsila. Tiyichazele lesetibuya khona kutsi
inkhosi ayivumi kutsi kuphatselwane imisila, itsi umuntfu ngemuntfu
akatotitsatsela. Loku vele imbila kwase kungumkhuba wave kutsandza
39