kuhlutwa kwetaga tesiswati - UZSpace Home - University of Zululand

Mbandzeni wabusa ngesikhatsi lesilukhuni lapho tive letinyenti betifuna kudla
live lemaSwati. Kwaliwa nebaPedi, emaZulu, emaBhunu naletinye. Ulawu
laMbandzeni beliseMbekelweni, kantsi sigodlo siseNkhanini. Wabambisana
netindvuna takhe boMngayi, Mbovane Fakudze, Tikhuba Magongo naletinye.
Wabusa ngesikhatsi setimphi letinyenti.
Mahlokohla wabusa simo selivesesintjintje kakhulu. Abesekelwe tindvuna takhe
boMgudlula Mtsetfwa, Mandanda Mtsetfwa, Manikiniki Nkhambule naletinye.
Lilawu beliseZabeni kantsi sigodlo sikaZombodze wesibili.
Sobhuza wesibili wakha liIawu lakhe Ezitheni, sigodlo saba kaLobamba
wesitsatfu. Wabusa ngekuthula abambisene kahle netindvuna takhe. Yinkhosi
leyakwati kubeka sitfombe lesihle ngesimo nemphilo yemaSwati emhlabeni
jikelele.
Emakhosi labaliwe ngenhla kusukela kuDlamini wekucala kuye kufinyelele
kuMswati wesitsatfu achamuka elicenjeni lekuphawula Krige (1968:4) ngalo
lapho atsi:
One section ofTekela Nguni moved south from about the Komati
river along the outskirts ofSwaziland and settled for a time south of
Delagoa Bay between the Lubombo Mountains and the sea. Here
they became know as the Abambo and they were met at the end
of the sixteenth century by the Portuguese.
Emphakatsi kulapho kuhlala khona inkhosi. Yindzawo lehlonishwa kakhulu
esiveni semaSwati. Kusekhaya lemasiko nemihamboyesive. Umuntfu logcamile
emphakatsi yinkhosi lucobo Iwayo. Ngiko nje emagabazi atsi:
Saga: Inkhosi yinkhosi ngebantfu.
19