kuhlutwa kwetaga tesiswati - UZSpace Home - University of Zululand

lamabili boMswati wekucala, lokunguye uyise wesive semaSwati naMtfongo,
longuyise wesive semaTfonga.
Dlamini wesitsatfu nguye lowahola sive kusuka ngaselwandlekati iNdiya,
waya ngaseNshonalanga edvute nemfula iNgwavuma endzaweni leyatiwa
ngekutsi kuseMavaneni. Kulapho kwachutjwa khona kugidvwa kwencwala.
Lilawu lenkhosi belisedvute nemfula luPhongolo indzawo yatiwa ngekutsi
kuseZibayaneni. Ngwane wesitsatfu lowabe atalwa nguDlamini wesitsatfu
wayishiya lendzawo etiveni letilandzelako: tGkaNyawo, Mngomezulu
nesakaMatsenjwa.
Ngwane wesitsatfu wahamba wayewukwakha liIawu lakhe emagcumeni
eMagudu. Wabuye wayishiya leyondzawo wayewukwakha ngasesihosheni
iMzinsangu wayibita ngekutsi kukaZombodze. Sikhulu sakaZombodze kwaba
nguMasenjana Nsibandze. Lelinye lilawu walakha kaHhlhho lapho abeka
khona Mndindane Shiba waba sikhulu. Ngwane wesitsatfu wakhotsama
ngemnyaka wanga - 1780 washiya indvodzana yakhe Zikodze lobebuye
atiwe ngekutsi nguNdvungunye, atalwa nguLomvulo Mndzebele.
Ndvungunye wakha kaLobamba lapho bekuhlala khona unina. Sikhulu
sakaLobamba kwabekwa Danile Nkhambule. Lilawu laNdvungunye
beliseShiselweni lapho sikhulu sakhona kwaba nguMahagane Hlophe.
Ndvungunye wabusa sikhatsi lesincane ngobe waba nelishwa lekushaywa
ngumbane wakhotsama. Washiya emaphovela lamatsatfu Somnjalose,
Lojiba naLaLukhele. Somnjalose abeyinhlanti yaLojiba. Watala Somhlolo
labebuye atiwe ngekutsi nguSobhuza wekucala.
Uma ingwenyama isandza kukhotsama, leyondvodzana lejutjelwe kutsi ibuse
iye ihlale iminyaka lencunyiwe, esikhatsini lesinyenti ibamitsatfu ingabonani
nalabatilile. Indzawa leyakhelwa yana ibitwa ngekutsi umtsangala. Ihlala
lapho
17