ENYUVESIYAKAZULU - UZSpace Home

temmbila uyeva kutsi udla kudla lokunemsoco. Ummbila uyakwati kutsi ubekwe
esilulwini nasewuvuniwe ubekelwe kudliwa ngalesinye sikhatsi nasekunendlala.
Kantsi labadzala bayakwati nekuwumbela phansi engungwini kuyilwe. Lowo
mmbila ubitwa ngekutsi sancote. Lommbila umbelwa esibayeni. Labatiko batsi
ungahlala iminyaka leminengi solomane ungakonakali. Lokunye lokwentiwa
ngemmbila yinembe, sijabane, inhluziba, emancobo, sishwala, incwancwa, Iijingi,
libhedla, lidzishela, lukhotsi kanye nalokunye lokunyenti.
2.10.1.2 Ematsanga
Ematsanga nanawo akudla lokubalulekile emaSwatini. Ematsanga alinywa kanye
nemmbila kantsi kuwo kubuye kutfolakale umbhidvo wetintsanga
nasengakavutfwa. Ematsanga lamancane entiwa sicobetelo nakuphekwa
umbhidvo wetintsanga. Ematsanga nasavutsiwe ayaphekwa, entiwe inceke bese
kuyadliwa njalo. Emanti laphuma nakuphekwa inceke kutsiwa yinkhovu,
ayanatfwa-ke wona. Ngematsanga kubuye kwentiwe sidvudvu.
Ematsanga latayelekile abitwa ngekutsi tikhutane kantsi lawa lamakhulu
lanetingedla kutsiwa emaphuti. Ematsanga abuye abetinhlobonhJobo letehJukene,
kukhona nje emajoti lenawo aluhlobo Iwelitsanga kepha ahluke ngembala. Uma .
uke wadla sidvudvu selijoti kuvuleka inhlitiyo. Nanobe umuntfu bekangafuni kudla
kepha ngekudla lesidvudvu, iyavuleka inhlitiyo. Lolunye luhlobo lwematsanga
ngemahwabha nobe labanye bakubita ngekutsi ngemakhabe. Emahwabha adliwa
aluhlata. Wona-ke atayelekile ngobe nasetitolo letinkhulu ayatsengiswa.
Ngalesinye sikhatsi utfola bawacheketile bawenta tincetwana. Kepha nawutsandza
ungalipheka nanobe loko labanyenti bantfu abakwenti loko ngobe bats; kugcwala
emanti.
2.10.1.3 Emaselwa
Emaselwa fana nematsanga alinywa kanye nemmbila. Nanawo emaselwa uma
asemancane entiwa sicobetelo sembhidvo wetintsanga. Emaselwa adliwa
77