ENYUVESIYAKAZULU - UZSpace Home

yesintfu kepha etimphondvweni temphi yabo babeke bantfu labamnyama
kutsi kube ngibo labakhuluma kabi ngenkholo yesintfu. Kubuhlungu
kunyembenya intfo lesengatini yakho. Kuncono laba labatsi abasondzelani
nenkholo yesintfu bamane bampontjwe yonkhe lengati yabo bafakwe
letawuhambelana nalaku labatsi bangiko.
Kuphakanyiswa kutsi bantfu batiswe kahle kamhlophe kutsi inkholo isekhatsi
kwemuntfu neMdali wakhe. Loku kusho kutsi nguMdali yedvwa longasho
kutsi inkholo letsite ngiyo levumelekile. Kantsi nje nasekubekwa kahle,
nguleso naleso sive uMdali wasidala kutsi simkhonte ngendlela yaso
lehambelana naso. Akumange kube Iiphutsa kutsi bantfu bendzabuko uMdali
bamkhonte ngendlela yalabaphansi. Kwaba luhlelo Iwayo iNkhosi kutsi
kutawuba njalo. Futsi akusilo liphutsa kutsi bantfu bakhetse inkhalo
yebuKhrestu ngobe phela inkholo yinkholo nangabe umuntfu ayitsandza
ngenhlitiyo yakhe yonkhe, kuhle lako. Kepha lakubi kutsi umuntfu walenye
inkholo agceke lenye kwangatsi leyakhe ngiyo yodvwa lekhona eveni.
Kubuhlungu kakhulu futsi uma umuntfu akhuluma kabi ngenkholo langayiva
engatini yakhe. Akusiko kufundzisa libandla kushumayela ngaletinye tinkholo
utikhulume kabi. Kuphakanyiswa kutsi bantfu babukane netinkholo tabo,
bakhohlwe nguleti labangahlangani nato. Uma ngabe leto tinkhalo
labangekho kuto bona titabayisa esihogweni bantfu labalandzela tona,
yindzaba yabo, akufuni lomunye. Kantsi phela kudzimate kube ngunyalo
akekho lowake wayohlola, wabuye wasitjela kutsi kunjani ngale emva
kwekufa. Cishe sonkhe sikhuluma intfo lesikholelwa kuyo ngobe siyicabanga,
hhayi lesesike sayibona ngemehlo. Tonkhe tinkholo tinetindlela tato
letimkhonta ngayo uMdali lekuyintfo lenhle kabi. Kuphakanyiswa kutsi
umuntfu anake kwakhe, akhohlwe nguloku langakwati. Ayikho inkholo
lencane nobe fenkhulu kunalenye, tonkhe tiyalingana uma nje tikholelwa
kuMdali.
Kutalwa kabusha kwelivekati Ie-Afrika kwangatsi kutawusita kutsi bati kutsi
nenkholo yesjntfu iyinkholo leyadalwa nguye uMdali ayidalela bantfu
186