LUCWANINGO LOLUNZULU LOLUMAYELANA NEKUBALULEKA ...

tiphelele tonkhe. Nakwentekile kutsi kube nelijaha lelishaye tinyoni letimbili
ngelitje Iinye kutawutsi ngalesikhatsi tisukile tahamba tintfombi tiphindze
tijike titewuganisa lelenye intfombi. Nayo lentfombi itakwenta njengalena
yekucala. Nangabe Iivuma lelijaha litawuphindze futsi liphume endlini
litibongelele. Tinyenti tindlela tekugana njengaleti:
.:. Kugana ngelicuba;
.:. Kugana ngelijuba nome ingeje;
.:. Kugana ngekutiba;
.:. Kugana ngekucabangula;
.:. Kugana ngekujuma ne
.:. Kugana ngekuhlehla.
Kepha kulolucwaningo kutawusetjentiswa lena yekugana ngekuhlehla.
Natiyawugana tintfombi tigana ngeluvivi kuze kuyewushaya liwashi
lesitfupha nobe lapho seligamence lensimbi yesitfupha. Emva kwaloko
atisagani tintfombi ngobe kusuke sekusile. Nasekusile tiyahamba titfole
umuti nobe wakabani tifike tikhulekele tihlale. Titawunikwa ummbila bese
tiyagandza tiyapheka tiyadla, tiyalala. Tinikwa konkhe kudla lokukhona,
atincishwa. Kuyatiwa futsi kulisiko kutsi kudla akuncishwana. Kudla kunikwa
nobe ngabe ngubani. Balala emini ngobe basuke badziniwe ingani phela
bavuka ngekukhala kwenkhukhu yekucala.
Tintfombi titawugana tonkhe letisedvute kwaleto tigodzi tonkhe bese kuba
yima tichubekela embili. Nakuletinye tigodzi kuleto letisele tintfombi kuba
ngiso sona leso. Lapho tilala khona tiyaguca-nje kutsi butfongo
bungatihluphi, ngobe kutawutsi lokwa ngeluvivi tibe setivukile futsi
tichubeke ngawo futsi lomsebenti wekugana. Tintfombi natigana, tigana
inyanga uma ihlangene itse ngci. Kuhlangana kwenyanga kusho lukhulu
76