LUCWANINGO LOLUNZULU LOLUMAYELANA NEKUBALULEKA ...

Ngaleso sikhatsi naleletinye tintfombi tiyalandzela, uyasala lomntfwana.
Uma letintfombi tisuka esibayeni tonkhe ticondza endlini tifike tingene
tihlale phasi. Unina wemntfwana nave ngaleso sikhatsi uyaphuma acondze
lena esangweni lesibaya alandze umntfwanakhe. Phela letintfombi tisuke
setiphelele tonkhe kungena endlini nasekaphuma unina. Kulisiko kutsi unina
angene nasetiphelele tonkhe endlini. Nase unina wemntfwana amtsetse
lomntfwana wabuya nave kulapho basho khona kutsi umntfwana
sewulalatelwe. Lokutsi emehlo alomntfwana ahlangane nalenyanga
kwentelwa kutsi lomntfwana wentfombatane atewutfomba ngalelinye
Iilanga nasakhulile. Kusigaba lekumele senteke ngobe nave ngalelinye
Iilanga utakuya enyangeni lekumele kwenteke uma inyanga seyihlangene
njengalelilanga alalatelwa. Kumele kutsi umntfwana nasakhulile lenyanga
ingamshiyi akwati nave kuhambisana nayo. Uma seyetfwasa ayati kutsi isho
kutsini emtimbeni wakhe.
Nakalalatelwe umntfwana, kutawutsi ngelilanga lelilandzelako bese unina
wemntfwana ubuyela endlini yakhe uphuma edladleni lekubelekela nobe
edladleni lagago. Uphuma ngetikhatsi tasekuseni. Ngalesikhatsi aphuma
bamhhula tinwele tonkhe tasemuva enhloko ngasentsanyeni. Akakayekeli
unina kumunyisa umntfwana. Lokungenani angamane amunyise umntfwana
wakhe iminyaka lemibili. Uma gogo sekenelisiwe kutsi umntfwana umunye
iminyaka lemibili utawubuyela endlini yenina wemntfwana aphetse inhlaba
bese ugcobisa emabeleni enina. Ngalesosikhatsi gogo ucela unina
wemntfwana kutsi amunyise ,utawuva kubaba atsi nobe atsi uya kulelinye
Iibele eve kubaba nakulo bese uyayekela. Ngaleso sikhatsi kulapho kushiwo
khona kutsi ulunyuliwe umntfwana. Akasenawuphindze futsi alifune libele
ngobe uve kubaba. Pelepele ngesiSwati akulunyulwa ngaye, kusetjentiswa
inhlaba kuphela. Uma gago sekamyekelisile kumunya, unina angabuyela
endvodzeni yakhe atijabulise. Indvodza lapha isuke icencuka. Ngalesinye
sikhatsi imane iphefemulele emvalweni. Uma asamunya umntfwana
66