LUCWANINGO LOLUNZULU LOLUMAYELANA NEKUBALULEKA ...

Uma lukhala luswane talukati tiyalutsatsa tiluphakamise bese tilubhekisa
phasi tinyawo tibheka etulu. Titawubese tiyalukhuhlutisa kodvwa solo
lucongile lubheke phasi. Ngaleso sikhatsi sikhwehlela sitabese siyaphuma .
Kutawutsi ngekuphuma kwaso bese tiyalutsatsa loluswane tilubamba kahle.
Lesikhwehlela kufanele kutsi vele siphume ngobe singabe singaphumi
loluswane livi laiD litawuhoshota naselukhulile. Sifuba saiD sitawuhlala
sihoshota naluphefumula. Kuphefumula kwalo kutawuba yinkinga lenkhulu
ekuphileni kwalo. Kulesinye sikhatsi kuye kuvakale umsindvo losakuhlabela
naluphefumula. Kuhona lokukhulu uma luswane lulele kutsiwa kubangelwa
kutsi sikhwehlela sisuke singakaphumi nalubelekwa. Gogo Magongo (2001)
ngemlomo wakhe utsi:
Kuh/e kutsi sikhweh/e/a sikhishwe ngoba /utawuhona
/uswane.
Naseticedzile talukati kubuka kutsi sikhwehlela siphumile tiyalutsatsa
loluswane tilubhunyisele khona lungetuwuhlushwa bomoya lababi. Luswane
luyabhunyiselwa luseluncane khona Iitewumelana nemphilo naselukhulile.
Phela kukhula kwalo kuya ngekutsi Iwentiwe yini tintfo lekumele tenteke
uma lubelekwa. Kulesinye sikhatsi luyabelekwa kodvwa sekuyatiwa kutsi
Iona luyawukwendza kabani, imvamisa yaloko kwenteka nangabe uyise
asiselwa tinkhomo talomunye umnumzane ngobe afuna kulobola unina walo
loluswane. Kutawutsi ngekuvumelana nebelusendvo kube kuyatiwa
lusabelekwa kutsi Iona luyawukwendza kabani naselukhulile. Nguletinye
tibopho letikhona esiSwatini letenteka luswane lusabelekwa. Kungako
kubonakele kukuhle kulolucwaningo kutsi kucalwe ekucaleni loluswane
lusabelekwa kuze kubonakale kutsi kwendza ngesiSwati akusukeli lapho
intfombi seyikhulile kepha kuyaye kucale ekucaleni umuntfu asatalwa,
kulungiselwe kutsi vena uyawukwendza kubani nasakhulile. Imvamisa
64