LUCWANINGO LOLUNZULU LOLUMAYELANA NEKUBALULEKA ...

lelinikwa vena kutawuhlalwa kulungiswa njalo ngobe phela letinye tintfo tihle
tikhohlweka. Litawuhlala lelidloti lifuna tintfo bese kwentiwa umsebenti
ngobe lingafuni kusala ngaphandle. Ngaso sonkhe sikhatsi lifuna kuhlala
likhunjulwa. Indlela yekuchumana nalo lelidloti kulihlabela nekuphahla.
Lose waba lidloti angabikelwa esihlahleni lesikhetsiwe khona ekhaya nobe
lugodvo lolomile lolubekelwe wona lomsebenti. Lesihlahla nobe lolugodvo
luyahlonishwa.
Uma lomdzala akhuluma nalamadloti uhlala phasi nobe aguce ngemadvolo
kukhombisa inhlonipho. Lenye indzawo lapho emadloti angabikelwa khona
kusendlini yagogo. Indumba yindlu yalabaphasi. Kuhlala khona tingubo
temadloti telikhaya. Lomdzala ekhaya uyaye aphahlele kuyo lendlu nangabe
kunemsebenti. Indumba ivamise kwakhiwa ngaseMphumalanga kodvwa
umnyango wave ubuka eNshonalanga. Ngalesinye sikhatsi lohambile uma
kuhanjwa kubukwa ematsanjeni kutfola kutsi ufuna indumba yakhiwe
ekhaya nangabe beyingekho. Ngalesinye sikhatsi lohambile uma ngabe
wetfwasa emadloti asaphila, nave uma asahambile utawufuna kuvela
kulabaphilako ngawo lamadloti lafuna kutfwaswa. Kuyenteka kutsi nangabe
ungenwe lidloti lemuntfu lowatfwasa asaphila, nawe wena lophilako kumele
kutsi uyekutfwasa utewukhona kusebenta ngawo lamadloti. Lomunye atsi
ngekumhlala lamadloti kufuneke kutsi uyekutfwasa. Ngekusho kwaMake
Zwane (2001) waseMabondvweni (Langeloop) uwusekele kanjena lombono.
Kutawutsi lapho atfwasile abe nemandla landlulele
ekusebenta bese lamadloti ayamkhanyisela amnika
kuhlakanipha akwati kusita bantfu labatabe
badzinga lusito ngaleso sikhatsi.
Uma emadloti akuye umuntfu uyakwati kusebenta alaphe bantfu etifweni
letinyenti letehlukahlukene. Kungabi kwelapha kuphela kulesinye sikhatsi uba
nemfuyo lenyenti latawube abelapha nangabe bete imali akabayekeli kepha
bamnika nobe ngabe yini labanayo, kungaba tinkhomo, timbuti, timvu,
50