LUCWANINGO LOLUNZULU LOLUMAYELANA NEKUBALULEKA ...

ngemnyaka wa-1868.
Kuphangalala kwakhe kwenta kutsi sive semaSwati sikhule kakhulu. Mswati
wesibili walandzelwa nguMbandzeni lowacala kubusa sive semaSwati nga­
1875 lobekabitwa ngekutsi nguDlamini iv.
Mbandzeni waba nebumatima ngendzaba yebuniyo bemhlaba ngobe emaNgisi
nemaBhunu abewubanga lomhlaba. EmaSwati ngaleso sikhatsi indzaba
yemhlaba abengayati, bebati kutsi umhlaba wenkhosi. Lubisi (2002:28)
uchaphuna Marwick lapho atsi:
The private ownership of land was unknown amongst
them (the Swazis) and indeed throughout the Bantu
world before the advent ofthe white man. The dominion
in the land was vested in the whole nation and belonged
also to the generations to follow, only the control ofthe
use ofit was in the hands oftheir ruler.
Lokunye lokwaba lukhuni kakhulu kutsi lobukhosi bebubangwa ngenca yekutsi
inkhosi Mswati 11 bekanemadvodzana lamanyenti labekabuke kutsi
atawulandzela nasakhotseme. Loku kufakazwa nguLubisi (2002:28)
ngekucaphuma Matsebula (1993) lapho atsi:
Kwaba netinkinga ebukhosini ngenca yaloku
lebesekubaliwe kwekutsi abemanyenti emehlo,
lebekadze abuke lesikhundla.
Kunebufakazi lobuphatsekako kutsi Inkhosi Dlamini iv wakhotsama angakaze
atsatse sitfombe ngobe akholelwa ekutseni boCetjwayo na5ekhukhuni bafa
ngobe batsetse titfombe. Lubisi (2002:28) uyifakaza kancono ngekucaphuna
kuMatsebula (1993) lapho atsi khona:
Kutsiwa nayitjelwa kutsi emakhosi lafana naCetjwayo
kanye naSekhukhuni bavuma kutsi batsatfwe imifodo
beyiphendvula itsi ''Yebo, kepha baphinyalo?
31