LUCWANINGO LOLUNZULU LOLUMAYELANA NEKUBALULEKA ...

hatata, emantongomane, emajoti, sikhutane, ematsanga, emaselwa,
ematabhane, emahwabha nalokunye kudla lokunyenti lokukwesiSwati. Gago
Magongo (2002) ubeka atsi:
Uma lokudla sekuvuniwe emasimini nasetivandzeni
kuyaphekwa khona bantfu batekudla.
Ngalokudla kuye kuphekwe incwancwa, sishwala, Iijingi, Iibhedle, tincheke,
inkhovu, budzibi, ludvwidvwi, Iilasha, umbhidvo, sitfubi, emajekwane,
Iidzishela, Iihonco, luhhayi, emancobo, imbasha, inembe, inhluziba,
sidvudvu, lukhotse, sijabane kanye nesancapha. Bomake bayakwati kutsi
bente lokunatfwako ngako njengemahewu, umhidvo, liphuphusi, tjwala,
Iihalatela, umutju, sitjodvo nelijingana. Lokudla loku ngiko futsi lokusitako
ekukhuleni kiNemntfwana ekhaya ngoba kuyimphilo kudla kwesintfu, kute
tonkhe letifo letibalwako letibulalako.
Ngiko-ke kudla kwesiSwati lokumele kudliwe ngebantfu labangemaSwati.
Labo labasabambelele emasikweni nanyalo basakudla lokudla lokuyimphilo.
Uma kungaphindvwa kubuyelwe emasikweni esintfu kulinywe emasimu
netivandze tekutsi kutfolakale lokudla kunelitsemba leliphelele lekutsi
emaSwati ngeke abenato letifo lesetandze kangaka letibangwa kakhulukati
kudla lokunemafutsa. Nanobe letifo letikhona tingeke taphela kepha Iizinga
Iingehla kakhulu kulesive semaSwati. Nasibuka lesifo lesicedze umhlaba
wonkhe lucwaningo lukhombisa kutsi bantfu lesibaphetse lesifo kumele
badle kakhulu tibhidvo nemibhidvo kanye netitselo loku emaSwatini ngeke
kube yinkinga ngobe vele kukudla kwawo.
2.5 UMlANDVO LOMFISHA NGEMAKHOSI EMASWATI
EmaSwati angebantfu labachamuka eMphumalanga yelive Ie-Afrika
ngasekupheleni kweminyaka yabo-l400. Bewela umfula iUmpopo bate
24