LUCWANINGO LOLUNZULU LOLUMAYELANA NEKUBALULEKA ...

-
ngulawo lafuyile, lanetinkhomo letinyenti, timbuti kanye netimvu. Imfuyo
iyasita lapho sekudlange kakhulu somiso ngobe umnumzane uye ahlabe
inkhomo kudliwe. Uma ufuyile esiveni semaSwati kusho kona kutsi unotsile
uyahlonishwa. Indvodza lefuyile yendziselwa ngisho umfati ngobe
kunekwetsemba kutsi utawuhlala kahle ngeke alambe. Indvodza lefuyile
ivamise kuba nemndeni lomkhulu ngobe phela kuyalinywa kulomuti bantfu
baba timphetfu ngobe kuyasutfwa.
Nalomisile umnumzane welikhaya uye ahlabe inkhomo ahlabele umndeni.
Kwentiwa umncweba, khona kutewutsi bahle batsatse kuyo bapheke nakute
umshibo. Emajaha afundziswa kutingela asakhula, khona kutewutsi
nasakhulile akwati kutingelela imindeni yawo. Inyama esiveni semaSwati
ihlala ikhona, ngobe nako lokutingela kuligugu kungako kunalesisho lesitsi
"ibanjwa nguleshone nayo." Nangabe bewungatingeli usakhula ngeke
ukwati kufundzisa umndeni wakho.
Inyama nobe kudla esiveni semaSwati akuncishanwa ngako, kunikwa nobe
ngubani lofikako lapha ekhaya. Titja tihlala tikhona letinekudla
lokutawudliwa ngunobe ngubani lotawube avakashele lapha ekhaya. Emasi
nelubisi kuhlala kukhona ngobe phela kunetinkhomo lapha ekhaya. Bafana
bahlala belusile esigangeni. Njengobe kutingela kuligugu esiveni semaSwati
tikhumba letitfolakala kuletilwane letisuke titingelwe tibuye tibe tembatfo
tawo emaSwati. Emabhebha kanye netingubo tekulala kusuke kushukwe
tona letikhumba tetinyamatane. Labasikati lesebatekiwe nabo
bayatisebentisa letikhumba, ikakhulu nabenta timbeleko tekumema
bantfwana. Loku kutawugcilwa ngako kakhulu nasekukhulunywa
ngekubekelwa kwemntfwana kulesehluko lesilandzelako.
Imvamisa emaSwati nakalima emasimini nasetivandzeni avamise kulima
kudla lokunjengemmbila, emabele, imfe, tinhlumayo, mngomeni, tindlubu,
23