LUCWANINGO LOLUNZULU LOLUMAYELANA NEKUBALULEKA ...

1.4.2
nalokufunekako lokucondzene nemtsimba. Kuvakashelwe tindzawo
letinyenti ngenhloso yekufuna Iwati lolwanele ngemtsimba. Tindzawo
letivakashelwe nguleti: e5watini endzaweni yaseNgwenya naseSimunye, ,
eMjindini, kaHhoyi, kaMandvulo, kaLomshiyo, eLukwatini, eMbuzini,
eMgobodzi eTimbondvweni, eMatsamo Cultural Village naseMasibekela.
Kube nemphumelelo kakhulu ngobe kwente kutsi umtsimba watiwe kancono
kakhulu.
INDLELA YEKUFUNDZA TINCWADZI
Tinyenti tincwadzi letifundziwe kutfola Iwati. Lokuphawulekako lapha kutsi
cishe tonkhe letincwadzi nome imibhalo ibhalwe ngaletinye tilimi nanobe
kunjalo tifundziwe letincwadzi kute kutsi lolucwaningo luchubekele embili.
Tincwadzi nato leticondzene nemtsimba tifundziwe kute kutfolakale Iwati
lolwanele. Kutawufundvwa kuphindvwe kubukisiswe kahle lokufanako
emtsimbeni wesiSwati nakuletinye tive temdzabu. Kutawucashunywa
kuphela loko lokudzingekako emtsimbeni wesiSwati bese kufakazeleka
ngaloku lokubhalwe phansi.
Lolucwaningo lutawuveta sobala loko lokufanako nalokwehlukene kute kutsi
bantfu babone kutsi umtsimba wentiwa njani kuletinye tigodzi.
Ngekuvakashela tigodzi letahlukahlukene nakwentiwa lolucwaningo
kutakwenta kutsi kube nelwati lolwanele ngemtsimba.
Kudzala umtsimba ukhona futsi uhlonishwa. Nanyalo kubalulekile kutsi
wentiwe khona bantfu batewubona kubaluleka kwawo. Indlela
lebewuchtjwa ngayo umtsimba akumelanga yehluke kulona wanyalo. Intfo
lemukelekile kutsi ingehluka tembatfo nalokunye ngobe kudzala
10