LUCWANINGO LOLUNZULU LOLUMAYELANA NEKUBALULEKA ...

Kulolucwaningo kuhloswe kutsi intfombi icondzisise kutsi uma ike yagidza
umtsimba buntfombi sebuphelile ngaleso sikhatsi. Dlamini (1995:29)
ukubeka kanje :
The wedding day is such an important day ofthe young
womans life as it marks the end of her freedom and
brings all her childhood behaviour to an end.
Buntfombi uma sebuphelele kumele kutsi intfombi ikwati kushintja
masinyane ikwati kutsi ikulesine sigaba lekumele kutsi isihloniphe.
Kuhlonipha kulindzelekile kunobe ngubani loliSwati.
Umfati uyatakhela Iikhaya kutsi licine ngekutsi atiphatse kahle alinakekele
futsi.
Umfati kumele alotjolwe ngobe nangakalotjolwa kusho kuhlala nelicala.
Nakungenteka kutsi abusiswe ngembeleko bakubo banelilungelo
lokubatsatsa bantfwana babe babo ngobe angakalotjolwa unina. Lokunye
uma kungenteka endlule emhlabeni angakalotjolwa bakubo banelilungelo
lekutsatsa sidvumbu sakhe batingcwabele sona ngobe angakalotjolwa.
Kungako kukuhle futsi kubalulekile kutsi umfati alotjolwe aze aphele khona
kutewubate Iicala uma kwentekile kutsi kube nalokungahambi kahle.
Kungako Iisiko lesiSwati Iivuma kutsi nanobe sekahambile emhlabeni abuye
ayewungena esibayeni asasidvumbu uma bekangakakwenti loko. Loko
kwentelwa kutsi agcine angcwatjelwe emendvweni wakhe uma bakubo
bakhombisa kufuna kumtsatsa uma abengakalotjolwa.
Nginelitsemba lekutsi emaSwati atawuzuza lukhulu kulolucwaningo ngobe
umtsimba uvetwe kahle wonkhe kusukela ekucaleni waze wayawuphela.
Lebawatsandzako emasiko abo, nalabafuna kuwatisisa batawusitakala
ngobe kukhona konkhe kulolucwaningo lokuphatselene nemtsimba.
248