LUCWANINGO LOLUNZULU LOLUMAYELANA NEKUBALULEKA ...

T1ngoma temtsimba tiba tinyenti kodvwa kubaluleka kwalena intfombi lecela
ngayo inkhonto kunika umcondvo lohlukile ngobe ihlatjelwa nguye makoti
cobo Iwakhe. Kuyabonakala kutsi inesisindvo lengoma ngobe nayo
inesifungo lesivetako kulaba bemuti. EmaSwati kumele acondzisise kutsi
kungani ingoma yekucela inkhonto ingahlatjelwa ngulomunye ngaphandle
kwayo intfombi yona ngekwayo. Nanobe basomene bobabili kepha kuya
ngani kutsi intfombi igcizelele kutsi itfunywe nguyise kutsi itewucela
inkhonto. Dlamini (1995:170) ukufakazela kanjena:
In this song the message is that she has been begrudged
by her father who has sent her to his home to get cattle.
T1nyenti tingoma leticulwako kodvwa letinye tato tinenhloso lenkhulu
kakhulu ngobe tifaka kufunga ngandlela tsite esiSwatini. Kumekeza nako
ngulenye yetintfo letibalulekile letikhombisa kutsi intfombi iphumile
esigabeni sebuntfombi seyingene kulesinye sigaba lapho itawuba ngumfati
khona. Kumekeza kucedza buntfombi kukhombisa kungena kulesinye sigaba
lapho itawuba ngumfati khona. Kucedza buntfombi ngekutsi igcotjiswe
libovu. Ngaloko kuhloswe kutsi umfati nasasitsetse sincumo sekwendza
kulelo khaya ngeke aphindze agcotjiswe libovu kulenye indzawo ngobe
angeke asasuka kulelo khaya. Dlamini (1995:76) ukubeka kanjena:
It is strongly believed that this red clay cannot be used
more than once on the same face. The implication is that
a woman cannot be married more than once in her life
time. It may not be surprising, therefore, that the Swazi
women equates marriage to death, hence she weeps
when smeared with the red clay.
Umfati kumele acondzisise kutsi uma ake wawugidza umtsimba kulowo muti
langene kuwo ngeke aphindze ayewugidza kulenye indzawo ngobe kukhona
lapho ike wagcotjiswa khona libovu.
247