LUCWANINGO LOLUNZULU LOLUMAYELANA NEKUBALULEKA ...

kusho kona kutsi iyotakhela umuti wayo yona nemyeni wayo. Kungako uma
iphuma intfombi nalo Iijaha kusuke sekulilungele kutsi linamatsele kumkalo.
Kubekiwe nasebhayibhelini kuGenesise (2:24) kutsi lomdvuna utawushiya
batali bakhe anamatsele kulomsikati:
Ngalokho indoda iyakushiya uyise nonina, inamathele
Kumkayo, bayakuba nyamanye.
Libhayibheli Lelingcwele (1994:7).
Nayiphuma intfombi ekhaya iyalwa talukati telikhaya nabomakhelwane.
Intfombi ayigcini kuyalwa bantfu bangaphandle kepha unina neyise
wentfombi nabo bayayiyala intfombi nayiphuma ekhaya. Kuhlatjelwa
kwentfombi imbuti yelusiba kulisiko ngobe kumele igabe inyongo yayo
nayiphuma intfombi, nemphako wayo kumele wentiwe ngobe kungafuneki
kutsi idle kudla ingakacedzi kugidza. Uma umtsimba ufika khabo jaha
intfombi i1indzeleke kutsi ilale nemtsimba ngobe ingeke iye kumkhwenyane
ingakagidzi. Kulindzeleke kutsi ivuke ekuseni kakhulu iye emfuleni lapho
umtsimba wonkhe utayitfola khona nembuti yeSahhukulu.
Nasekubuywa emfuleni ngetikhatsi tantsambama kulapho umtsimba
utawucala khona, makoti agidze bese ekugcineni agidze nemkhwenyane
wakhe. Uma agidza makoti, kuhlaba kwakhe ngesikhali phasi usuke afunga.
EmaSwati uma ayawukwendza tinyenti tifungo latentako. Utawugana ngalo
lelolanga makoti uma agidza. Kugana lokuhle kugana ngenkhomo nobe
ngekuhlehla. Inhlabisamtsimba itawukhishwa, kUhlatjelwa umtsimba. Makoti
akabuyeli kuyawulala nemtsimba nasagidzile kodvwa utawuya kumyeni
wakhe ayewulala khona.
Kulolucwaningo kucacisiwe kahle kutsi kumekezelwani, buhle bekumekeza.
Inhloso yekuvuswa ekuseni kakhulu kuyini. Uma umlobokati ayawumekeza
240