LUCWANINGO LOLUNZULU LOLUMAYELANA NEKUBALULEKA ...

neNgwenyama lekhona nyalo Mswati Ill. Kucaciswe kakhulu kuSobhuza
wesibili nakuMswati wesitsatfu kufuna kwakhe kutsi bantfu babuyele
emasikweni abo, kwente nekutsi sive siwujabulele lombono ngobe sati kutsi
sitakulwa nesifo sengculaza. Sitsembu semukelekile esiveni semaSwati.
Kwendziswa nekukhetsa intfombi kweNkhosi natibuya emhlangeni,
kwangatsi betepolitiki abakwamukeli kahle bakubone kukugcilata tintfombi
nekuhlukumeta imiphefumulo yalabasikati. Labadvuna bona babukeka
bakutsandza ngobe babuke kulotjolelwa nje kuphela. I-Sowetan (2002:6)
ikubeka kanjena :
The culture ofkwendzisa has always been against
daughters andin favour offathers.
Kulombuso lokhona kwanyalo wekushiyelana bukhosi emasiko
akwendziselana nekukhetsa umfati solo aseme njalo ngobe akantjintji lutfo.
Emasiko ikakhulu ekugidza umtsimba atawusolo achubeka ngobe kuyindlela
lekumele tintfombi tendze ngayo nangabe tishada.
Inkholo ichazwe kakhulu kulolucwaningo kutsi sive semaSwati siyakholelwa
enkholweni yebuve neyemasiko. EmaSwati bantfu labasanamatsele kakhulu
emasikweni abo. Inkholo yebu-Kristu nenkholo yemadloti konkhe
basakusebentisa kuya ngekutsi lokholwako vena wetsembela kukuphi.
Mlentengamunye abekhona endvulo labanye labangemaSwati bayakholwa
kuye nanyalo. Labanyenti ikakhulu lapha e-Afrika kunekutsemba kutsi
Mlentengamunye ukhona uyaphila, ubuke wonkhe umuntfu lophilako
nalongaphili. Lophilako uphila ngenca yaMlentengamunye. Emadloti
achazwe kabanti kulolucwaningo. Kukwenta lokuhle kutsi emadloti
akhunjulwe ngato tonkhe tikhatsi ngobe abantfu labake baphila, lebatiko
kutsi kwentekani kulelive lasemhlabeni, umehluko lokhona kutsi bona
sebaphila kulenye indzawo lapho ungafiki labaphilako kuyo.
236