LUCWANINGO LOLUNZULU LOLUMAYELANA NEKUBALULEKA ...

aphakela kusale ngobe kunebantfwana labancane lapha ekhaya,
batewukhona kudla emini nasebalambile ngobe imini iyindze. Aphakele
acedze bese uyahamba maketala. Maketala akhona nanaye akakahlali,
uyapheka uphekela umlobokati ngobe angakudli kudla lakuphekile. Naye
maketala uphekelwa ngumlobokati ngobe nave angeke ad le kudla
latiphekele kona. Lokungiko lokwenta umuntfu angakudli lokudla
lakuphekile kwentelwa kutsi kuhlanganise labantfu lababili. Kuhlanganisa
umlobokati namaketala, kungako lokudla lokuphekwe ngumlobokati
kuphakelwa maketala. Naloku lekuphekwe ngumaketala kuphakelwa
umlobokati.
5.4.6 UMLOBOKATI UYAHLONIPHA
Umlobokati uhlonipha kakhulu emendvweni wakhe. Kunetindzawo lekumele
atihloniphe kakhulu angamane asondzele kuto. BoRaddcliffe-Brown naForde
(1975:93) bakubeka kanjena:
A wife must also avoid certain place in the husband home.
Njengobe umlobokati afikile kulomuti bonkhe belikhaya babuke Vena kutsi
uhlonipha njani. Teluleko tebatali bakhe nakaphuma ekhaya tibonakala kuso
lesikhatsi. Indlela lakhuluma ngayo kulomuti iyabukwa. Indlela lahamba
ngayo nayo inakwa kakhulu. Akukho kwakhe lokunganakwa. Kungako
kumele ahloniphe ngalokuphelele, atetakhela inkhonto lenhle kulomuti.
BoRadcliffe-Brown na Forde (1975:93) babeka batsi:
She must behave with restraint and conspicuous
humality on numerous occations.
Umlobokati kulindzeleke kutsi ahloniphe wonkhe umuntfu lokhona kulomuti,
labadzala nalabancane ngisho netinja takulelo khaya kumele atiphekele
kudla. Kuhlonipha ngiko lokumenta kutsi atsandzeke ekhakhakhe.
22-1