LUCWANINGO LOLUNZULU LOLUMAYELANA NEKUBALULEKA ...

Lisikela utawusika ngalo tjani bekufulela indlu yakakhe nakakhelwe yona
nalapho seyidzinga kufulelwa kabusha tjani sebugugile. Emakhenya umfati
uyatelukela nakasikile tjani. Lisikela aligcini kuphela ngekusika tjani
bekwenta emakhenya kepha ulisebentisa nekusika incoboza. Incoboza
umlobokati utakweluka ngayo emacansi ngobe lawo lachamuka nawo
atawugcina asadzabukile. Kubalulekile kutsi ahle enta lamanye emacansi
ngobe angamphelela. Ngalelisikela umlobokati utakwati nekusika indvuli
nanayo. Indvuli nave utakweluka ngayo titsebe nemacansi. Lokunye kutsi
indvuli utakwakha ngayo tintfo tekuhlobisa ekhatsi endlini yakakhe. Konkhe
loko utakwenta ngalo lisikela ngobe kungilo lekusikwa ngalo loluhlobo
Iwetjani.
Umlobokati lisikela utawuphindze alisebentise ekusikeni Iilala. Lilala -ke Iona
utakwakha ngalo titja, tilulu netigcoko. Letigcoko utatelukela indvodza
yakhe nalabanye bemuti ngobe vena utawuhlala etfwele sicholo enhloko
ngeke agcoke sigcoko. Lokunye latakusika ngalelisikela ngumtsentse.
Umtsentse utakwakha ngawo umtfunti wekufaka tindlubu navunile
emasimini. Lokunye latalisebentisela kona lisundvu. Lisundvu nanalo
utakwakha ngalo tigcoko nabobhasikidi. Uma umlobokati afuna kwakha
umcamelo uyalisebentisa lisikelo kusika Iibhuma lapho sesishakatile khona
atekwati kwenta umcamelo. Lokunye langakwenta umlobokati ngelisikela
kusika umhlanga. Umhlanga utakwengeta ngawo liguma lakakhe, akhe
bobhasikidi, akhe nemakhethini endlu yakakhe.
Lenye intfo lebalulekile lekumele umlobokati ahambe nave nasaya
emendvweni Iikhuba. Likhuba utawulima ngalo emasimini, acentse Iibala
Iihlale Iihlobile. Emasimini utawulima ummbila, ematsanga, umbhidvo,
emantongomane, emaselwa nalokunye lokunyenti. Likhuba ngilo
lelikhombisa kutsi umlobokati utawulima, ahlakule nasemasimini aphindze
lapho ahlala khona. Kungako kulisiko kutsi umlobokati ahambe nalo Iikhuba
221