LUCWANINGO LOLUNZULU LOLUMAYELANA NEKUBALULEKA ...

Gozolo ebayenini udlala indzima lenkhulu kakhulu. Batawutsi bangacedza
kudla bayeni bese banatsa lotjwala lebabunikwe ngugozolo bese bayalala.
Kutawutsi ngakusasa ekuseni bekhaya bakhiphe tonkhe tabo tinkhomo
esibayeni bashiye leti letichamuka nebayeni letingemalobolo.
Batawuphuma belikhaya nebayeni baye ngenhla kwesibaya. Umyeni
utawufike akhombe ngayinye inkhomo esibayeni asho kutsi lena yembala
lonjena yani. Tonkhe letinkhomo utatibita ngemibala yato. Utawusho
lemibala yato kutsi lena lenje insulanyembeti yamake, lena lenembala lonje
lugege. Nase benelisekile belikhaya batawubonga bese bakhipha imvuma.
Imvuma yinkhomo lekhishwa bekhabo mlobokati. Inkhomo lavuma ngayo
umnumzane kutsi bayeni bangayihlaba uyatemukela tinkhomo temalobolo.
Kutawulandvwa lemvuma lekhishwa nguyise wemlobokati kanye nelugege
lelichamuka ekhabo jaha. Letinkhomo letimbili tifuna ingwazi sibili. Kumele
kutsi uma tihlatjwa tibukane emehlweni totimbili. T1tawugwazwa kanye
kanye. Ingwazi itawugwaza linye linceba kumvuma nalinye linceba
kulugege. Kumele kutsi uma tigwazwa letinkhomo letimbili tiwe titsi
gulugudvu phasi, tibhodle. Nasetibhodla kushaywa umlulungwane.
Lokubhodla kwato kusho inhlanhla. Kumele kutsi tiwe ngemadvolo tibheke
phasi. Kumele kutsi tititfobe, tingagijimi nalesibaya sonkhe. Kuyabindvwa
dvu uma tiwa phasi letinkhomo kwangatsi kute lokwentekako.
Talukati nobe labadzala, umlobokati longenako timfundza ngato letinkhomo,
kutsi vena ngumuntfu lonjani. Kutiphatsa kahle kwakhe konkhe kubonakala
kuto letinkhomo. Nasetiwile letinkhomo ngekutitfoba lokukhulu talukwati
lebesolo tigadze ngeliso lelibukhali loku lokubonwa ngito ngobe tiwati
umhambo wemaSwati, tiyalilitela bese kutawuvakala kulowo mzuzwana
lesinye salukati sesitsi:
Laze /ateka /ijaha, uphi/i/e /omakoa.
212