LUCWANINGO LOLUNZULU LOLUMAYELANA NEKUBALULEKA ...

Maketala vena uhlanjiswa ngaloku lokulandzelako:
.:. Licansi;
.:. Umtsanyelo;
.:. Ingubo ne
.:. Ludziwo Iwemahewu.
Ingubo nakamnikete yona ufike amembatsise kukhombisa kutsi
uyamfutfumeta. Nangabe kusesitsenjini utabahlambisa bonkhe bomaketala
wakhe angashiyi ngisho namunye. Akukakhatsaleki kutsi bangaki kodvwa
bonkhe kumele bahlanjiswe. Umntfwana wekucala ekhaya uhlanjiswa
alandzele uyise ngekumabela ngendlela lecishe ifane neyeyise kodvwa ibe
ingalingani. Uma kusesitsenjini bonkhe bantfwana bematibulo bahlanjiswa
ngalokulinganako. Akufuneki kutsi kube khona losala ngaphandle.
Emakhosatana nanawo ayahlanjiswa yingci nje nangabe awekucala
kulendlu. Bantfwana balowahamba nabakhona bayahlanjiswa. Bantfwana
bekucala ekhaya bangahlanjiswa ngaloku lokuiandzelako ngamunye
ngamunye:
.:. Licansi;
.:. Umtsanyelo;
.:. Ludziwo Iwemahewu ne
.:. Ludziwo Iwekudlela.
Umntfwana wekugcina ekhaya nanaye uyahlanjiswa. Nangabe
kukusesitsenjini umlobokati utabahlambisa bonkhe bekugcina. Bantfwana
bekugcina ekhaya lebahlanjiswa ngako akulingani nekwalabo labadzala,
kwabo kuyakhombisa kutsi bangematfunjana. Kwabo kuba kuncane
202