LUCWANINGO LOLUNZULU LOLUMAYELANA NEKUBALULEKA ...

Kutawutsi emva kwekuhlaba lesahhukulu bese umtsimba uyasipheka.
Usipheka ngetimbita letibuya ekhabojaha. Kutawutsi kupheka nekudla
konkhe sekuphelile umtsimba uhaye ingoma yawo ubuyele emuva lapho
ulibangise khona ekhabojaha. Bantfu bendzawo bayagcwala ekhaya
kutewusingatsa umtsimba ngobe kuyatiwa kutsi nakunemtsimba
kuyagidvwa, kugidvwa tingoma leticondzene nawo umtsimba. Dlamini
(1995:167) ukubeka kanjena:
Members of the society come in numbers to be
entertained as they know that the group will be dancing
on that afternoon.
Lokujabulisako kutsi bantfu bagidza kube mnandzi kakhulu banike emehlo
kudla kwawo. Kubamnandzi kubukela lomgidvo wemtsimba. Kusikhatsi
lesingadzinwani. Wonkhe umuntfu uyatsandza kubukela ngalesikhatsi.
Lebapheleketele umtsimba basuke bavunule kahle imvunulo yabo. Basho
ngetidziya nemahiya abo lalungiselelwe wona lomcimbi. Emagcebesha wona
akusakhulunywa ngawo ngobe asuke ahulelwe kahle ngebuhlalu
lobumhlophe, lobubovu nalubuluhlata bese buyatfungwa kahle. Kuvamise
kugidze labasikati. Emajaha lagidzako aba yimbijana. Lawa lekasuka
awutsamele lomcimbi asuke ahlalise lijaha lekungilo lekugidzwelwa. Lijaha
Iisuke Iilicobile nalo liphelele ngemvunulo yalo. Ingani nalo siyeta sikhatsi
sale lapho litawugidza khona nemlobokati. Umlobokati vena sidvwaba
sakhe sihlukile kulaba labanye labanye labampheleketele nobe lagidza
nabo. Dlamini (1995:67) lombono uwufakazela kanjena:
Her dress is different and enables anybody to identify
her with ease. The most outstanding thing about her is
that she has two balloon-like ornaments pinned on her
hair.
175