LUCWANINGO LOLUNZULU LOLUMAYELANA NEKUBALULEKA ...

ibuyele emuva ngobe seyaphuma. Kubeketela kwayo emendvweni
kutakwenta kubonakale kutsi unina wafundzisa kwevakala. Talukati atigcini
kuphela ngemiyalo kepha tibuye tisho nekutsi ingaboyidla inyama nelubisi
ingakanikwa, itayizila kuze kufike sikhatsi lapho inikwa khona. Loko
kufakazelwa boRadcliffe-Brown naForde (1975:171) nabatsi:
A wife avoids the milk and meat ofher husbands home
until a special ceremony is perfomed for her.
kantsi Gogo Magongo (2001) ungeta atsi:
Inyama ekhaya yemnumzane, ingaboyiphakela ngobe iphakelwa
ngubabetala nobe gogo.
Yonkhe lemiyalo tintfo lekumele iyekutisebentisa lapho iya khona.
4.3 IMBUTI YELUSIBA
Uma intfombi iphuma ekhaya iyabikwa kulesebahamba. Intfombi icela
indlela lenhle ngembuti lehlatjwako uma iphuma ekhaya. Msimango
(1975:280) ku Khumalo (1997:176) utsi:
Kubikwa kuqala kwabaphansi ngembuzi. Iyona
ecelela umntwana indlela nenkambo enhle,
nomendo omuhle.
EmaSwati atsembela ekutseni uma kuhlatjwe imbuti, lengati, yayo ngiyo
letawuletsa imphumelelo lapho uya khona. Atsembele ekutseni lengati
ngumhlatjelo ngobe ekhaya khabo ntfombi kuyakhalwa kutsi iyaphuma,
lokufaniswa nekufa kantsi nanobe ifile itawuvuka kulelinye likhaya lapho iya
khona. Kungakho nalapho iya khona itawungeniswa esibayeni, uma iphuma
khona kutawutsatfwa njengekutalwa. Khumalo (1997:176) lombono
uwufakazela kanjena:
155