LUCWANINGO LOLUNZULU LOLUMAYELANA NEKUBALULEKA ...

Nangahlonipha indvodza yayo itabe itiphembela inhlalo
lehle emndenini wayo nakumyeni wayo, kumele ikuvisise
futsi kutsi uma umyeni wayo akhombisa kuyitsandza,
ngeke yona itsandzwe bemuti ngobe kutawutsiwa
uyidlisile.
Nanobe tonkhe letinkhulumo tikhona kumele ibindze ngobe yati kutsi yenta
lokuhle ngaso sonkhe sikhatsi. Talukati tiyakhuluma phela, nasekufika
ekuhlonipheni umyeni wave bamdvonsa kakhulu ngendlebe. Nayiyalwa
lentfombi kUbuhlungu kakhulu ngobe nabo labangayi kuyawukwendza
bagcina sebakhala. Intfombi yona kuyo kuba buhlungu kakhulu ngobe
kusuke kutjelwa yona. Nalabanye labakhona endlini baye bakhale nabo
ngobe basuke bakhumbula lokwabavelela ngetikhatsi taboo Simo ngekhatsi
endlini lapho intfombi iyalwa khona siba munyu, asibi mnandzi nakancane.
Talukati tiyala intfombi titsi ibohlonipha uninatala. Kuhlala kwayo
kulowomuti kusetandleni teninatala. Uma ingahlala ingamhloniphi uninatala,
kuhamba kwayo kusetinyaweni tayo ngobe bantfwana bebafana batsandza
kakhulu bonina. Lombono ufakazelwa boRaddcliffe-Brown naForde
(1975:95) lapho batsi:
If your mother and your wife were drowning which
would you save first? ''and the correct answer is, "my
mother, I can get another wife, but not another mother.
Sintfu sivamilekubeka make embili kunemfati, akufani nasesilungwini.
Intfombi kumele kutsi imiyalo ngeninatala ingayitsatseli phasi, ihlale iyihle
njalo kuninatala wave khona itewukhuluma kahle ngaye kumntfwanayo.
Phela kuhlala kahle emaSwatini uma wendzile uyatentela ngekutsi
uhloniphe futsi ulandzele lemiyalo lowanikwa yona talukati mhla uphuma.
153