LUCWANINGO LOLUNZULU LOLUMAYELANA NEKUBALULEKA ...

indzima nabo ekwelekeleleni. Unina umntfwanakhe umyala tonkhe tikhatsi
ekukhuleleni kwakhe. Kutawutsi nasekusondzele sikhatsi sekutsi aphume
umntfwana, labadzala, bomakhelwane nebelusendvo batsatse kunina
bayiyale bona ngekwabo lentfombi. Intfombi kulapho-ke kungena khona
talukati, bomakhelwane nalabanye belusendvo lebatawuba bakhona
ekuyaleni umntfwana nase kusondzele sikhatsi sekutsi aphume.
Talukati tiyiyala nganamuhla ntsambama intfombi uma yona itawuphuma
ngakusasa iyenkwendza. Kulesinye sikhatsi iyalwa ekuseni ngelilanga
lehamba ngalo, kodvwa kuba kuhle uma iyalwa ngalamuhla kantsi yona
ihamba ngakusasa. Kuyiyala ngalelilanga iphuma kuye kungabi nesikhatsi
lesanele ngobe kusuke kuphitsitela wonkhe umuntfu alungiselela wona
lomsebenti wekuphuma kwayo lentfombi. Nasetihlangene letalukati tinika
intfombi imiyalo lematima, kodvwa lemiyalo letiyinikako lekumele intfombi
iyati, ngulengiyo ngobe nato setake taba bomakoti, tiyati kutsi kwentekani
emendvweni. Umuntfu lokunika umyalo lanesiciniseko ngawo muhle ngobe
vele usuke ati kutsi kwentekani kulentfo, nakhona emendvweni talukati
tinemiyalo lemihle, futsi ngeke tiyilahle intfombi tisho tintfo letingekhona
naletingenteki. Krige (1950:136) kuKhumalo (1997:175) ukufakazela
kanjena:
The girl is brought before the elders of the sib and is
instructed on how to behave at the kraal (ukuyala) she
is told that she represents her sib, and that what ever
she does will be blamed on her people. Amidst much
shedding of tears the old women tell her of the
hardships she will have undergo. They say, you will be
called a wizard. A sloven, a harlot and all sorts of bad
names.
Lombono longehla talukati tiyawufakazela ngobe titsi natiyiyala lentfombi
tiyitjela kutsi lena emendvweni kutawutsiwa iyatsakatsa. Nakushiwo njalo
ingabolwa itame kukhombisa kutsi bayayicala, ngobe ngeke kwenteke kutsi
\51