LUCWANINGO LOLUNZULU LOLUMAYELANA NEKUBALULEKA ...

3.6.13. INDLUNKHULU YABABE
Indlunkhulu yababe Iba yinkhulu kakhudlwana ekhaya. Kungako iba
netinsika ekhatsi tekutsi icine kahle. Iba neminyango lemibili. Lomunye
umyango usitsele awubonakali, watiwa nje kuphela belikhaya. Kulowo
mnyango kwentelwa kutsi ngetikhatsi tetimphi make akwati kungena khona
kanye nebantfwana. Ngekusho kwaJulayi Mamba (2002) waseMatsamo
Cultural Village utsi:
Lomnyango lomunye kwentelwa kutsi make nebantfwana baphume
kuwo uma babalekela timphi. "
Kantsi Gogo Magongo (2001) vena utsi:
Lomnyango awuphumeli ngaphandle ungena ngekhatsi
kulendzawo leyakhiwe kutsi babhace khona ngetikhatsi
tetimphi. Lendzawo iba yincane kodvwa make
nebantfwana bangangena kuyo.
Letimphi betikhona kudzala betenta kutsi labasikati bangatali kakhulu ngobe
bekuba matima nakumele kubalekwe. Babe-ke vena yedvwa utawumelana
nayo lemphi ngobe phela bekuliwa ngetikhali. Utabagwaza ngesikhali
bangamboni ngobe bacabanga kutsi kute umuntfu endlini ngobe bantfwana
batawube babhacile. Ngalesinye sikhatsi uyaye abahlule babe ayedvwa
ekhaya. Uma kungenteka kutsi bamehlule, kutawufa vena yedwva kepha
labanye bantfu batawube basindzile, ikakhulu bemndeni wakhe, bantfwana
nenina wabo.
Indlunkhulu yababe ekhaya yakhiwa ngalobukhulu buchwepheshe ngobe
ngiyo indlu levamise kwetfwala babe, make kanye nebantfwana ekhaya.
Ingani phela likhaya, likhaya ngebantfwana. Umuti wesiSwati nawakhiwe
kahle tonkhe letindlu kanye nesibaya kumele kubekhona. Umuti wesiSwati
141