LUCWANINGO LOLUNZULU LOLUMAYELANA NEKUBALULEKA ...

umntfwana alalatelwa khona kungaleso sikhatsi lapho angabuyela endlini
yakhe. Makoti uhlala kulo lelidladla kudzimate kufike sikhatsi lapho gogo
amkhipha kutsi abuyela endlini yakhe.
3.6.11. UDLADLA LAMALUKATANA
Emadladla abomalukatana ekhaya aya ngekutsi bangaki bona
labomalukatana. Uma amunye litawuba linye kantsi uma bababili atawuba
mabili njalo-njalo. Makoti edladleni lakakhe ulala nemkhwenyane wakhe.
Kulindzeleke kutsi batfole bantfwana. BoRadcliffe-Brown naForde
(1975:179) batsi:
They sleep together andproduce children together.
Konkhe loku kwenteka ngobe labantfu bobabili basuke batekene bahlala
ndzawonye. Titselo tekuhlala ndzawonye nanitekene ngiko kutsi kuvele
bantfwana ekugcineni lokuligugu endlini yeliSwati. Lidladla lamalukatana
Iinalo liguma lalo nanobe angapheki kulo.
3.6.12. ULAWU LABABE
Ulawu lababe lite liguma, utakhela netinsika lingembi lelilawu lakhe. Sivalo
selilawu lababe siyaphicwa bese kutsatfwa sikhumba senkhomo nobe
lugogo Iwenkhomo kuvalwe ngalo. Emgibeni welilawu lababe kulenga
kuphela emabhebha kanye netingubo lekutikhumba tetinyamatane. Babe
elawini lakhe ulala khona vena, kungenteka kutsi afune umkakhe, ubese
uyambita ete kuye. Loko kuvamise kwenteka kakhulu uma babe
anesitsembu. Kutawutsi uma acedzile make kuba sendlini yababe bese
ubuyela endlini yakhe ayewulala khona. Babe kuyamsita kakhulu kubita
make lamfunako labanye bafati bangati kutsi ubite bani ngalelolanga.
Lokunye futsi kutsi babe nakasandza kuteka lomunye umfati kuyamsita
139