LUCWANINGO LOLUNZULU LOLUMAYELANA NEKUBALULEKA ...

itewuhlatiywa sive netindvuna khona. Gogo ekhaya unemasimu kodvwa
akatilimeli vena ngobe asakhulile. Ulinyelwa bomakoti netintfombi lese
tikhulile letisekhona lapha ekhaya, letinye letisakhula nato tifundza ngako
kulimela gogo.
Lokudla gogo lakutfola emasimini akhe ukubeka enyangweni yakhe.
Lokukubeka enyangweni yakhe wentela kutsi akhone kupha labatawube
bamvakashele lapha ekhaya, ngobe kutawutsatsa sikhatsi kutsi ayewucela
kubomalukatana bakhe uma afuna kepha umuntfu kudla, kantsi kuncono
natawutsatsa kwakhe. Gogo edladleni ubasa etiko lakhe. Upheka kudla
lakutsandzako. Uphekela kutsi akwati kunika bantfu labafikako lapha ekhaya
ngaphandle kwekulindza bomakoti kutsi bapheke. Gaga nakabasile etiko
uhlala nebatukulu bakhe abanike kudla lakuphekile. Kuntsambama
ubacocela tinganekwane. Makoti nakendzile kuhle kutsi amnakekele gogo
wakhe ngekutsi amsindzele indlu yakhe abuye awashe netembatfo takhe.
3.6.4 INDLU YAMAKE
Indlu yamake iseceleni kwalena yagogo. Neya make indlu inelidladla layo.
Endlini yamake kutfolakala kulenga tingubo tetikhumba tetinyamatane
netinkhomo ngobe ngito lebekulalwa ngato ngaleso sikhatsi. Babe ulala
esandleni sekudla kantsi make vena ulala esandleni sesencele. Uma babe
afuna make, ucacatsa insika bese make usondzela ngakuye atewulala.
Ucacatsa insika nangabe lendlu iyinkhulu inetinsika emkhatsini. Uma lendlu
iyincane, kantsi babe ufuna make umchweba ngendvuku ngobe vele
utawube advutane. Konkhe loko kwenteka ngalesikhatsi bantfwana balele.
Indlu yamake ineliguma lakayo. Uyakhona kubasa ente konkhe endlini
yakhe.
136