LUCWANINGO LOLUNZULU LOLUMAYELANA NEKUBALULEKA ...

Sibaya emtini wesintfu sibaluleke kakhulu ngobe sitsatfwa njengesisu
nangabe makoti akhulelwe emtini. Uma makoti afika atekwendza kumele
kutsi angene esibayeni khona emadloti emuti atemati. Gogo Magongo
(2001) ukubeka kahle ngobe utsi:
Usuke ate/we kabusha ku/omuti.
Uma umlobokati asangenile esibayeni kuyafana nekutsi uyingati yinye
nalabo balapha ekhaya, sewungumntfwana wakhona ngalokuphelele.
umlobokati ungena esibayeni ngalesikhatsi asengakacali kupheka, asefika,
uma ayawugidza. Emva kwaloko akayiwuphindze alubeke lunyawo Iwakhe
esibayeni, kuyatila. Bafati abangeni esibayeni. Ngisho nesalukati ingce
nasingumfati ngeke singene esibayeni. Lolucwaningo lutfole kutsi kuyenteka
lomsikati angene esibayeni ikakhulu nasaluphele kantsi balapha ekhaya
sebahamba. Kepha kuba nemsimeto lowentiwako ngembi kwekutsi angene.
Sibaya indzawo yalabadvuna.
Sibaya kumakoti sifaniswa nesisu semfati ngobe sisuke sibiyelwe tingodvo
bese ngekhatsi kwaso kuba ngumakoti lotsatfwa ngekutsi ungumntfwana
losuke asesiswini. Uma umlobokati asesibayeni kumatima kakhulu
ngalesikhatsi atewucela inkhonto. Lachamuka nabo abafisi kumbona ngobe
ngiso sigaba lesimatima kakhulu ekugidzeni kwakhe konkhe. Inkhonto
icelwa kabuhlungu kantsi kumatima. Lobulukhuni lobu umlobokati
lahlangabetana nabo ngibo labonakala kubo kutsi utakumela yini
kwasemtini. Lengoma umlobokati layihlabela nakacela inkhonto, yakudzala
kantsi nanyalo kusahlatjelwa yona nangabe umuntfu ayekwendza. Nanobe
kubuhlungu, kulisiko lekumele lenteke nawendza ngobe bantfu basendza
nanyalo, baphindze bayisebentise yona lendlela yekwendza ngobe
ngesiSwati uma ungakangeni esibayeni usuke ungakendzi kahle. Umfati
lotekwe kahle ujika esibayeni ngesiSwati.
134